U piataj častki tych, chto chvareŭ na kavid bieź simptomaŭ, raźvivajecca postkavidny sindrom
Chvaroba supravadžajecca bolem i ciažkaściami pry dychańni.
Zhodna z novym daśledavańniem, prykładna čverć usich pacyjentaŭ z kavidam praciahvajuć adčuvać simptomy chvaroby jak minimum na praciahu miesiaca paśla taho, jak u ich arhaniźmie byŭ zafiksavany virus. Bolš za toje, prykładna piataja častka hetych pacyjentaŭ nie mieli simptomaŭ kavidu, kali im byŭ pastaŭleny dyjahnaz. Ale prajšoŭ miesiac, i jany pačali adčuvać bol roznaha typu, ciažkaści pry dychańni i stomlenaść.
Aŭtary pracy, navukoŭcy z amierykanskaj niekamiercyjnaj arhanizacyi FAIR Health, tłumačać, što ich praca pakazvaje: postkavidny sindrom moža zdarycca nie tolki z tymi, chto praź ciažkuju formu chvaroby apynuŭsia ŭ špitali, ale i z tymi, chto pieražyŭ bolš lohkuju formu kavidu. Miž tym, siarod pieršaj katehoryi pacyjentaŭ postkavidny sindrom sustrakajecca prykładna ŭ pałovie vypadkaŭ, piša Daily Mail.
Postkavidnym sindromam nazyvajuć źjavu, kali pacyjenty, jakija vyzdaravieli ad vostraha kavidu, praciahvajuć adčuvać jaho simptomy na praciahu tydniaŭ ci, tearetyčna, navat na praciahu miesiacaŭ ci hadoŭ. Heta moža datyčycca samych roznych simptomaŭ, u tym liku stomlenaści i straty adčuvańnia smaku ci niuchu.
Pakul nieviadoma, što vyklikaje chvarobu, i navukoŭcy šukajuć adkaz na hetaje pytańnie. Jość teoryi, što postkavidny sindrom moža być źviazany z zachavańniem pavyšanaj imunnaj aktyŭnaści paśla vostraj fazy kavidu abo z ustojlivym zachavańniem u arhaniźmie virusa ŭ nizkaj kancentracyi.
Jašče adna z zdahadak — toje, što postkavidny sindrom moža być vyklikany pieršapačatkovym paškodžańniem arhanizmu ad virusa, na adnaŭleńnie ad jakoha treba čas, naprykład z paškodžańniem niervaŭ.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary