ES na svaim pasiadžeńni aficyjna ŭchvaliŭ siektaralnyja sankcyi suprać Biełarusi.
Rašeńniem Rady ES zabaraniajecca:
— prodaž, pastaŭka, pieradača abo ekspart abstalavańnia, technałohij abo PA, pryznačanych dla manitorynhu abo pierachoplivańnia ŭładami internetu i telefonnaj suviazi.
— pradavać, pastaŭlać abo pieradavać uładam Biełarusi pradmiety dvajnoha pryznačeńnia dla vykarystańnia ŭ vajennych metach.
— uvodziacca dadatkovyja handlovyja abmiežavańni ŭ dačynieńni da naftapraduktaŭ, kalijnych uhnajeńniaŭ i tavaraŭ dla vytvorčaści tytuniovych vyrabaŭ.
— abmiežavańni zakranuć taksama dostup da rynkaŭ kapitału Jeŭrasajuza dla ŭrada Biełarusi i dziaržaŭnych finansavych ustanoŭ. Zabaraniajecca strachavańnie i pierastrachavańnie biełaruskaha ŭrada i biełaruskich dziaržaŭnych orhanaŭ i ahienctvaŭ.
— Jeŭrapiejskamu inviestycyjnamu banku zabaroniena finansavać prajekty ŭ dziaržaŭnym siektary, a dziaržavy-členy ES abaviazany abmiežavać udzieł u Biełarusi šmatbakovych bankaŭ raźvićcia, členami jakich jany źjaŭlajucca.
— zabaraniajecca kuplać, pradavać, pradastaŭlać inviestycyjnyja pasłuhi i mieć spravu z kaštoŭnymi papierami i instrumientami hrašovaha rynku z terminam pahašeńnia bolš za 90 dzion. Heta tyčycca biełaruskich finansavych i kredytnych ustanoŭ, dzie dola dziaržavy pieravyšaje 50%. U śpis uniesieny «Biełarusbank», «Bielinviestbank» i «Biełahraprambank».
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary