ЕС на сваім пасяджэнні афіцыйна ўхваліў сектаральныя санкцыі супраць Беларусі.
Рашэннем Рады ЕС забараняецца:
— продаж, пастаўка, перадача або экспарт абсталявання, тэхналогій або ПА, прызначаных для маніторынгу або перахоплівання ўладамі інтэрнэту і тэлефоннай сувязі.
— прадаваць, пастаўляць або перадаваць уладам Беларусі прадметы двайнога прызначэння для выкарыстання ў ваенных мэтах.
— уводзяцца дадатковыя гандлёвыя абмежаванні ў дачыненні да нафтапрадуктаў, калійных угнаенняў і тавараў для вытворчасці тытунёвых вырабаў.
— абмежаванні закрануць таксама доступ да рынкаў капіталу Еўрасаюза для ўрада Беларусі і дзяржаўных фінансавых устаноў. Забараняецца страхаванне і перастрахаванне беларускага ўрада і беларускіх дзяржаўных органаў і агенцтваў.
— Еўрапейскаму інвестыцыйнаму банку забаронена фінансаваць праекты ў дзяржаўным сектары, а дзяржавы-члены ЕС абавязаны абмежаваць удзел у Беларусі шматбаковых банкаў развіцця, членамі якіх яны з'яўляюцца.
— забараняецца купляць, прадаваць, прадастаўляць інвестыцыйныя паслугі і мець справу з каштоўнымі паперамі і інструментамі грашовага рынку з тэрмінам пагашэння больш за 90 дзён. Гэта тычыцца беларускіх фінансавых і крэдытных устаноў, дзе доля дзяржавы перавышае 50%. У спіс унесены «Беларусбанк», «Белінвестбанк» і «Белаграпрамбанк».
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі66
Каментары