Razam z HONOR Magicbook ekśpierty pasprabavali adsunuć zasłonu budučyni, parazvažaŭšy, jak budzie evalucyjanavać śviet technałohij. Heta piaty i apošni materyjał našaha śpiecprajekta «Mahija technałohij».
Alaksiej Kartyńnik, prahramist i aŭtar jutub-kanała pra IT «AjCiBarada»
— Siońnia kampjutary i mabilnyja dadatki ŭžo stajać pobač pa svajoj mahutnaści. Usio idzie da ahulnaj pryłady, jakaja budzie zamianiać nam i telefony, i płanšety, i navat kampjutary.
Mnie zdajecca, što budučynia za pryładaj-pamočnikam nievialikich pamieraŭ (naprykład, mikranavušnik ci niejki čyp, užyŭleny ŭ padkorak mozhu). Ën budzie słužyć jak kamunikataram, tak i kropkaj dla vychadu ŭ sieciva. Akramia taho, takija rečy zmohuć być pasiarednikami pamiž nami i, naprykład, supierkampjutarami ci jakimi-niebudź prafiesijnymi pryładami.
To-bok pry dapamozie nosnaha hadžeta my budziem padklučacca da inšych pryład i pracavać ź imi praz naš hadžet. Bolš nie buduć patrebnyja asabistyja mahutnyja kampjutary dla prahramavańnia ci stvareńnia hulniaŭ. Možna budzie naŭprost praz kamunikatar vykarystoŭvać moc vyličalnych mašyn, jakija buduć dastupnyja, naprykład, pa padpiscy.
Užo siońnia isnujuć padobnyja sistemy: naprykład, Google Stadia i inšyja prajekty. Ty prosta płaciš za karystańnie addalenym mahutnym kampjutaram, kab zapuścić hulniu. Pry hetym pieradavać kamandy na jaho patencyjna možna navat sa smartfona.
Paśla źmianšeńnia pamieraŭ nosnych pryład my dakładna zachočam stasavacca ź imi nie praz hruvastkija kantrolery nakštałt kłavijatur i myšak. Hałasavoje kiravańnie chutka pavinna zamianić ich. Užo siońnia isnujuć prahramy, jakija dazvalajuć raspracoŭščykam nabirać kod hołasam. Choć jašče niadaŭna raźvićcio hetych technałohij pieravažna było źviazana z padtrymkaj ludziej ź invalidnaściu. Miljony karystalnikaŭ užo źviartajucca da hałasavych pamočnikaŭ Siri, Google, Cortana, «Alisa» — heta naša rečaisnaść. I čym bolš ludzi ich juzajuć, tym bolš danych u data-sajentystaŭ dla palapšeńnia hałasavych interfiejsaŭ.
Pakolki vialikija ekrany zanadta niazručnyja, dumaju, varta čakać bumu na dapoŭnienuju realnaść i akulary nakštałt Google Glass. Pradmiety virtualnaha pachodžańnia buduć prosta nakładacca na realnuju vyjavu. Užo raspracoŭvajucca razumnyja linzy, jakija zmohuć heta rabić.
Mahčyma, syduć u niabyt i tannyja veb-kamiery, a na zamienu im pryjduć 3D-hałahramy. Akramia taho, možna skazać, što ŭ naša žyćcio ŭžo ŭvajšli bieśpiłotnyja aŭto. Amazon nabyvaje akcyi kampanii, što vyrablaje bieśpiłotnyja hruzaviki, a ŭ Rasii ŭžo možna pakatacca na bieśpiłotnym taksi.
U suviazi z hetym kiroŭcam-dalnabojščykam i taksistam moža ŭ chutkim časie pryjścisia niesałodka. Zamianić kiroŭcu na prahramu budzie tańniej i navat bolš biaśpiečna. Zadumacca pra budučyniu svajoj prafiesii varta i ŭłaśnikam veb-studyj, jakija robiać nieskładanyja sajty. Siońnia kožny čałaviek pry dapamozie, naprykład, servisu Wix moža zrabić sajt samastojna za hadzinu. A kali da hetaha pracesu dałučacca razumnyja asistenty-boty, to veb-studyi kančatkova pamruć. Pracaŭniki pieršaj linii techpadtrymki taksama mohuć nie spatrebicca praz funkcyi raspaznavańnia i mašynnaje navučańnie. A voś tyja, u kaho prafiesija źviazanaja z tvorčaściu, mohuć być spakojnyja: mašynam daloka da razumieńnia hetaha termina.
Taksama varta čakać interfiejsy ŭniviersalnych pierakładčykaŭ. Heta kali ty kažaš na svajoj movie, surazmoŭca na svajoj, hetyja movy dla vas roznyja i nie zrazumiełyja, ale vy biez prablem razumiejecie adno adnaho, bo virtualny pamočnik u režymie anłajn prosta ŭ vaša vucha ŭsio pierakładaje. Užo siońnia servis Grammarly robić prosta cudy z tekstami na anhlijskaj!
Varta dadać: čym dalej raźvivajucca technałohii, tym jany robiacca zručniejšymi dla karystalnikaŭ. Čamu? Tamu što pryłady viedajuć pra nas bolš, čym viedali 20 hadoŭ tamu. Pryčym nie tolki viedajuć, ale i razumiejuć, jak hetyja viedy vykarystać, kab być jašče bolš patrebnymi. Inšymi słovami, my płacim našymi danymi za kamfort. Kali chočam i dalej žyć z kamfortam, vychodzić na novy ŭzrovień, to treba zabycca pra piersanalnyja danyja. Mnie zdajecca, što my dažyviom da časoŭ, kali pra čałavieka možna budzie atrymać lubuju infarmacyju. I adkaznaść za abaronu danych budzie lažać nie na karparacyjach (im heta niavyhadna), a na nas.
Siońnia ZŠA i Kitaj — ruchaviki suśvietnaha techničnaha prahresu. Vidavočna, što toj, chto raźvivaŭ navuku, toj i ŭ vyjhryšy. Vielmi prosta zrazumieć, u kaho navuka ŭ pryjarytecie, kali pahladzieć na kaśmičnyja prahramy krain. Kosmas — samaja vysokatechnałahičnaja halina. Adpaviedna, lidary ŭ joj i źjaŭlajucca suśvietnymi lidarami ŭ raźvićci technałohij.
Čytajcie taksama:
-
Evalucyja hadžetaŭ: jak razumnyja pryłady zachapili śviet
-
Jutub-błohierka ŭ 66 hadoŭ i tynejdžar, jaki 10 hadzin siadzić u smartfonie. Roznyja pakaleńni — pra svoj vopyt karystańnia hadžetami
-
Poŭny mast-chev: 10 rečaŭ, jakija robiać naša žyćcio lepšym
-
Biblijateki, kafe i navat vakzał: dzie ŭ Minsku možna papracavać za noŭtbukam
Ihar Machaniok, inžynier i inviestar, biełarus, žyvie ŭ Ńju-Jorku
— Vidavočna, što ŭsio toje, čym my siońnia karystajemsia, idzie da bolšaj mabilnaści. Ludzi chočuć svabody pierasoŭvańniaŭ, tamu ŭsio čaściej abirajuć mienšyja pa pamierach łeptopy. Vytvorcam pry hetym treba raźvivać pracesary, rabić ich mahutniejšymi, bolš praduktyŭnymi.
Noŭtbuk HONOR Magicbook ultratonki i vielmi lohki — usiaho ad 15,9 mm taŭščyni i 1,38 kh vahi.
Pry hetym pamier ekrana dla ludziej usio jašče važny, tamu ja vielmi čakaju, kali ŭkaranicca novaja technałohija, jakaja dazvolić zvaročvać i raskładvać łeptop. Užo źjavilisia telefony sa składnymi ekranami, ale jany nie vielmi papularnyja, tamu što sama technałohija maładaja.
Taksama cikava nazirać za raźvićciom AR — dapoŭnienaj realnaści. Toje, što pačynałasia z Google Glass, ciapier madyfikujecca ŭ bolš surjoznyja hadžety: takija, jak Microsoft Hololens. Usie čakajuć, što i inšyja kampanii vypuściać svoj AR-devajs, tyja ž Facebook ci Apple. AR capraŭdy moža dać nam novyja mahčymaści — spačatku ŭ hulniach, a paśla i ŭ zvyčajnym štodzionnym žyćci. Kruta raźvivać heta ŭ toj ža navihacyi z padkazkami, kudy iści. AR moža pierakładać mieniu ŭ zamiežnych restaranach ci niejkija inšyja rečy.
Prymianieńnie zvyčajnych hadžetaŭ, jakija my vykarystoŭvajem kožny dzień, budzie rabicca šyrejšym. Kali ŭziać miedycynu, to dla kožnaj novaj dyjahnostyki z peŭnym dyjahnazam raniej patrabavałasia dosyć vialikaja śpiecyjalizavanaja «mašyna». Ale ŭžo zaraz źjaŭlajecca ŭsio bolš vynachodnictvaŭ, kali tolki pry dapamozie adnaho telefona možna vykanać miedycynskuju praceduru i pravieści dyjahnostyku. Naprykład, Butterfly Network robić mabilny ultrahuk z telefonam. Heta budzie aktualna i dla inšych śfier — taho ž budaŭnictva. Śpiecyjalizavanyja hadžety, karaciej kažučy, buduć zamienienyja bolš univiersalnymi.
Razam z technałahizacyjaj źniknie patreba ŭ peŭnych prafiesijach. Hety praces užo pačaŭsia na fabrykach, pradpryjemstvach, dzie vyrablajuć roznyja devajsy, na šachtnaj i inšaj vytvorčaści. Mašyny chutka vycieśniać i bolš intelektualnyja prafiesii: u pieršuju čarhu heta tyčycca pracy, dzie ludzi nie kantaktujuć ź inšymi ludźmi naŭprost, a apracoŭvajuć danyja, papiery (taja ž buchhałteryja).
Samyja topavyja krainy ŭ raspracoŭcy technałohij na siońnia — ZŠA i Kitaj. Taksama na zaŭvažny ŭzrovień vychodzić Indyja, chacia tam pakul što vielmi šmat biurakratyi i mienš hrošaj. Heta stała mahčyma dziakujučy pryjarytetam dziaržavy i stvareńniu śpiecyjalnych umoŭ, pryciahnieńniu inviestycyj u hetyja haliny.
Pieravahi ultrabuka HONOR Magicbook:
∎ Sučasny dyspłej. Vysokaje pašyreńnie 1920ch1080 z tonkimi ramkami i 100% kalarovym achopam sRGB, a taksama funkcyjaj abarony zroku,
∎ Novaje pakaleńnie pracesaraŭ Intel. Pryrost pradukcyjnaści da 21% u paraŭnańni z papiarednim pakaleńniem pracesaraŭ,
∎ Mahutny akumulatar i adna zaradnaja pryłada dla ŭsich hadžetaŭ. Bolš za 10 hadzin pracy ŭ standartnym režymie i chutkaja zaradka 66 Vt,
∎ Tonki i lohki. Usiaho ad 1,38 kh i tonki premijalny korpus z aluminiju,
∎ Mahčymaść vykarystoŭvać mienš drotaŭ. Smartfon možna padklučyć da noŭtbuka dziakujučy technałohii NFC,
∎ Sučasny i mahutny SSD-nakaplalnik. Chutkaść pieradačy danych vyšejšaja ŭ 6 razoŭ,
∎ Skanier adbitka palca, a taksama inšyja funkcyi dla biaśpieki karystalnika.
Kamientary