Hazprambank nibyta zhodny na prodaž dački, bo «nie bačyć sensu ŭ vałodańni bankam, jaki nie moža narmalna dziejničać».
Dva miesiacy tamu, 27 maja, členam dyrektarskaj rady Biełhazprambanka staŭ Alaksandr Kaznačejeŭ — namieśnik staršyni praŭleńnia Maskoŭskaha kredytnaha banka. U biełaruskim banku, na pasadzie niezaležnaha dyrektara i staršyni aŭdytarskaha kamiteta, jon atrymaŭ usiu aŭdytarskuju dakumientacyju Biełhazprambanka.
Pa infarmacyi krynic «Našaj Nivy», na ciapierašni momant baki nie mohuć zhandlavacca pa canie.
Raniej ahiencyja Bloomberg abvinavačvała MKB u dapamozie «Rasnafcie» abychodzić zachodnija sankcyi («Rasnafta» nie moža pryciahvać finansavańnie, daŭžejšaje za 30 dzion).
Miechanizm byŭ taki: bank MKB vykonvaŭ funkcyi lehalnaj «prakładki» i pradavaŭ svaje ablihacyi na zachodnich rynkach, a potym z hetych hrošaj nibyta kredytavaŭ «Rasnaftu» na doŭhi termin.
Aproč taho, ułaśnik MKB, Raman Aŭdziejeŭ, apošnim časam aktyŭna abjadnoŭvaje aktyvy z «HK Riehion» — kampanijaj, jakaja stała ŭłaśnikam Huceryjeŭskaha NPF «Safmar» i nazyvajecca ŭ rasijskich ŚMI strukturaj, blizkaj da Ihara Siečyna, bo kiruje piensijnymi aktyvami «Rasnafty».
U Nacbanku infarmacyju ab mierkavanym prodažy «Našaj Nivie» nie stali kamientavać uvohule nijak, na anałahičnaje pytańnie ŭ samim Biełhazprambanku adkazu taksama nie było.