Babaryka z turmy: Nikoli nie chacieŭ zastacca ŭ Biełarusi tak, jak zaraz
Viktar Babaryka adbyvaje 14-hadovy termin u Navapołacku. Tam jon pracuje apalščykam — padkidaje drovy ŭ piakarni, a supracoŭniki kałonii zdymajuć heta na videa. Viktar nie straciŭ pačućcio humaru, a jašče jon kaža, što nie chacieŭ by źjazdžać ź Biełarusi.
«Ja nikoli nie chacieŭ zastacca i žyć u Biełarusi tak, jak chaču hetaha zaraz, — kaža palitviazień. — I choć z 18 červienia minułaha hoda [dzień, kali jaho zatrymali siłaviki] ja nie bačyŭ krainy, razumieju: vobraz budučaj Biełarusi, jaki jość u mianie ŭ hałavie, padzialaje vielmi šmat ludziej».
A voś što dadaje advakat Natalla Mackievič, jakaja bačyłasia z palitykam 2 žniŭnia:
«Cudoŭnaje pačućcio humaru — pry im! Kaža, što ideja stvaryć ZK-bank nie prajšła, pryjšłosia źmianić prafiesiju. Padkidvaje droŭcy ŭ piakarni, apalščyk. Pieradaje: «Maje pracoŭnyja podźvihi zdymajuć na videa».
Nahadajem, eks-kiraŭnik Biełhazprambanka i były pretendent na prezidenckich vybarach Viktar Babaryka byŭ asudžany na 14 hadoŭ kałonii za atrymańnie chabaru i admyvańnie hrošaj. Z momantu zatrymańnia i da apošniaha słova ŭ sudzie svajoj viny nie pryznaŭ, u adroźnieńnie ad astatnich fihurantaŭ spravy, jakim dali značna mienšy termin, a ich rodnyja źviarnulisia da Łukašenki z prośbaj ab pamiłavańni. Pakarańnie Babaryka adbyvaje ŭ papraŭčaj kałonii №1 u Navapołacku.
Heta kałonija prymaje tolki «pieršachodaŭ» — ludziej, jakija adbyvajuć pakarańnie ŭpieršyniu.
Kałonija №1 «novaja». Raniej pad Navapołackam užo była papraŭčaja kałonija №10, ale jaje zakryli, i na miescy byłoha ŁPP, užo ŭ samim horadzie, u 2017-m adkryli kałoniju №1, jakaja raźličana prykładna na 1,5 tysiačy čałaviek. Asudžanyja, jakija prachodzili praz kałoniju ŭ Navapołacku, kažuć, što adnosiny pamiž źniavolenymi i administracyjaj mocna zarehłamientavanyja normami, nijakich pasłableńniaŭ, vyklikanych čałaviečymi pačućciami, tut čakać nie vypadaje. Aproč Babaryki, pa danych «Viasny», u kałonii №1 ciapier adbyvajuć pakarańnie 23 palitviaźni, siarod jakich były vajenny Dzianis Urad i błohier Alaksandr Kabanaŭ.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni16
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary