Pravaabarončy centr «Viasna» zrabiŭ zajavu z nahody źniavoleńnia aktyvista Maładoha Frontu Arcioma Dubskaha.
«7 lipienia 2009 h. sud Asipovickaha r‑na pryhavaryŭ moładzievaha aktyvista Arcioma Dubskaha da hodu pazbaŭleńnia voli ŭ vypraŭlenčaj kałonii ahulnaha režymu. Adrazu paśla abviaščeńnia prysudu Arciom byŭ uziaty pad vartu i źmieščany ŭ SIZA.
Pavodle prysudu Arciom Dubski byŭ abvinavačany ŭ parušeńni art. 415 KK Respubliki Biełaruś (uchileńnie ad adbyćcia pakarańnia ŭ vyhladzie abmiežavańnia voli). Varta nahadać, što 23 krasavika 2008 h. Arciom Dubski, razam ź inšymi 14‑ćciu maładymi ludźmi, byŭ pryciahnuty da kryminalnaj adkaznaści pa art. 342 KK Respubliki Biełaruś (arhanizacyja ci aktyŭny udzieł u hrupavych dziejańniach, jakija hruba parušajuć hramadski paradak) za ŭdzieł u mirnaj akcyi pratestu pradprymalnikaŭ, jakaja adbyłasia 1 studzienia 2008 h. u Minsku.
Pravaabarončy centr «Viasna» z samaha pačatku kryminalnaj spravy suprać udzielnikaŭ mirnaj akcyi pratestu 1 studzienia 2008 h. ličyŭ jaje palityčna matyvavanaj, pakolki Arciom Dubski i inšyja abvinavačanyja pa hetaj kryminalnaj spravie skarystalisia svaim zakonnym, harantavanym Kanstytucyj krainy, pravam na mirnyja schod i vykazvańnie svajho mierkavańnia.
Upłyvovaja mižnarodnaja pravaabarončaja arhanizacyja Amnesty International pryznała Arcioma Dubskaha i jašče 11 čałaviek, jakija adbyvajuć pakarańnie ŭ vyhladzie abmiežavańnia voli pa dadzienaj kryminalnaj spravie viaźniami sumleńnia —asobami, jakija paciarpieli za vykazvańnie svajho mierkavańnia.
Biełaruskaja hramadskaść i mižnarodnaja supolnaść patrabavali ad Biełaruskich uładaŭ nieadkładnaha vyzvaleńnia ad vyniesienaha pakarańnia ŭsich asudžanych pa spravie 14‑ci i ich poŭnaj reabilitacyi. Padobnaje patrabavańnie było vykazana i ŭ apošniaj rezalucyi PARIE pa Biełarusi.
Adnak niahledziačy na hetyja patrabavańni biełaruskija ŭłady demanstratyŭna praihnaravali hetyja zakliki i asudzili Arcioma Dubskaha da 1 hoda pazbaŭleńnia voli.
U suviazi z hetym Pravaabarončy centr «Viasna» zajaŭlaje svoj rašučy pratest i patrabuje nieadkładnaha vyzvaleńnia viaźnia sumleńnia Arcioma Dubskaha z‑za krataŭ.
Pravaabarončy centr «Viasna» taksama nastojliva zaklikaje biełaruskija ŭłady admovicca ad praktyki palityčnych represij u dačynieńni da hramadzianaŭ krainy pa palityčnych matyvach, u tym liku da poŭnaha vyzvaleńnia ad vyniesienaha pakarańnia i amnistyi ŭsich udzielnikaŭ spravy 14‑ci, jakija adbyvajuć pakarańnie na dadzieny momant.
Pravaabarončy centr «Viasna» zajaŭlaje ab tym, što budzie prykładać usie mahčymyja namahańni, skiravanyja na jak maha chutčejšaje vyzvaleńnie Arcioma Dubskaha».
