Pa ŭkazie Łukašenki «Trajpł» pavinien viarnuć u biudžet ilhoty, atrymanyja 13 hadoŭ tamu
Alaksandr Łukašenka padpisaŭ ukaz, zhodna ź jakim «Trajpł» pavinien vypłacić u biudžet Minska hrošy, roŭnyja sumie atrymanych ad dziaržavy prefierencyj.
Hety dakumient unosić źmianieńni va ukaz Łukašenki 2008 hoda. Tam havaryłasia ab pavieličeńni abjomaŭ budaŭnictva žylla, zabieśpiačeńni słužbovym žyllom vajskoŭcaŭ i pryciahnieńni dadatkovych inviestycyj dla raźvićcia žyllovaj infrastruktury ŭ Minsku i pryharadzie. Udzielničać u prajektach pavinien byŭ «Trajpł» Juryja Čyža.
Kampanija pavinna budzie spłacić srodki, praparcyjnyja niavykananym abo nienaležnym čynam vykananym abaviazacielstvam. Havorka idzie ab pradastaŭleńni ziamielnych učastkaŭ, pieradadzienych «Trajpłu» biez aŭkcyjonaŭ, dla budaŭnictva žylla. Akramia taho, kampanija pavinna kampiensavać košt žylla, jakoje pryznačałasia dla pierasielenych z terytoryj, pieradadzienych kampanii Čyža.
Nahadajem, što «Trajpł» letaś pryznaŭ siabie niepłaciežazdolnym, a majomaść Juryja Čyža apisvajuć sudovyja prystavy.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1
Kamientary