Krynicy: U Huceryjeva vialikija prablemy — kitajcy zamarozili 580 miljonaŭ dalaraŭ na budaŭnictva Niežynskaha kambinata
Jak stała viadoma «Našaj Nivie», pad pahrozaj ambicyjny prajekt budaŭnictva Niežynskaha horna-uzbahačalnaha kambinata, jaki huceryjeŭski «Słaŭkalij» uzvodzić na kredytnyja srodki Kitaja pad harantyju biełaruskaha ŭrada. Kitaj u suviazi z sankcyjami zamaroziŭ vydaču nastupnych tranšaŭ kredytu, budaŭničyja kampanii źjazdžajuć ź placoŭki.
Z kanca červienia prypynienyja budaŭničyja raboty — na prajekt vykarystana ŭžo 820 miljonaŭ dalaraŭ, ale jašče 580 zaviśli na kitajskim baku.
«Słaŭkalij» letam nie atrymaŭ ź ich čakany tranš u 103 miljony dalaraŭ z pryčyny ŭviedzienych sankcyj.
Kampanija Michaiła Huceryjeva razam ź biełaruskimi dziaržaŭnymi strukturami sprabuje pierakanać kitajcaŭ vyrašyć prablemu.
Skłaŭsia ceły sankcyjny paśjans: pad zabaronu trapiŭ jak sam Huceryjeŭ, tak i Biełarusbank, jaki źjaŭlajecca kredytnym apierataram, praź jakoha kitajskija hrošy akazvajucca ŭ «Słaŭkalija» — drabniejšyja pryvatnyja banki prosta nie padychodziać pa patrabavańniach dla «pieravarvańnia» šmatmiljonnych tranzakcyj.
Krynicy paviedamlajuć, što zabudoŭščyki źjazdžajuć ź placoŭki, «Słaŭkalij» maje pierad imi daŭhi.
«Nas sabrali na naradu i zamiest kankretyki z apłataj raboty prapanavali brać kredyty samastojna i dabudoŭvać, maŭlaŭ, naš bos miljarder, dla jaho heta «nie hrošy», jon usio viernie, navat kali kitajcy nie raźličacca», — skazaŭ nam adzin z zabudoŭščykaŭ.
Pa jaho słovach, abiacańniam viery niama, udzielniki narady ŭspryniali heta jak sihnał da zhortvańnia.
Nahadajem, raspracoŭka Niežynskaha radovišča — ambicyjny prajekt Michaiła Huceryjeva, jakomu ŭ svoj čas Łukašenka prapanoŭvaŭ udzielničać u pryvatyzacyi Biełaruśkalija, ale ŭ vyniku ŭsio pierahulałasia i vyjšła inačaj — u 2011-m dziaržaŭnyja ŚMI rapartavali, što «rasijski miljarder układzie ŭ ekanomiku respubliki 1,5 miljarda dalaraŭ dla raspracoŭki Niežynskaha radovišča kaliju pad Lubańniu».
Pa fakcie Huceryjeŭ uziaŭ u kitajcaŭ kredyt na 1,4 miljardy dalaraŭ na budaŭnictva horna-ŭzbahačalnaha kambinata pad harantyi biełaruskaha ŭrada.
Svaich hrošaj, pa roznych acenkach, jon ukłaŭ ad 250 da 600 miljonaŭ dalaraŭ.
Čytajcie taksama:
Michaił Huceryjeŭ pieradaŭ 37% akcyj «Rusnafty» svajmu bratu. Usio praz brytanskija sankcyi
Syn Huceryjeva, jaki trapiŭ pad zachodnija sankcyi, syšoŭ z kiraŭnictva naftapierapracoŭčaj kampanii
-
Ekanamist Dźmitryj Kruk daje piesimistyčny prahnoz dla biełaruskaha biznesu. U pradprymalnikaŭ try varyjanty
-
Jak ułady čarhovy raz pravalili płany ŭ sielskaj haspadarcy
-
Rasijanie raźmiali hateli ŭ Minsku na majskija, arendnyja kvatery stali pa łondanskich cenach. Kali jość svaja — možacie dobra zarabić
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ9
Kamientary