Dyjetołah padkazvaje, jakaja ježa dapamoža adoleć ahulnuju mlavaść zimoj
Aŭtarka kulinarnych knih, dyjetołah i fudbłohierka Alesia Kniaževič padzialiłasia ŭ instahramie, jakija pradukty zmohuć dapamahčy padniać nastroj zimoj, padčas jakoj nam ułaściva čaściej adčuvać ahulnuju mlavaść i abyjakavaść da žyćcia.
Kulinarnaja błohierka Alesia Kniaževič. Fota: instahram @alesia_foodblog
Zimoj arhanizm prosicca pravalicca ŭ son: my bolš chandrym praź niedachop sonca i čaściej ciahniemsia da sałodkaha, dumajučy, što takim čynam dadamo sabie enierhii. Ale z chutkimi vuhlavodami efiekt karotkaterminovy.
Tamu Alesia Kniaževič raić źviarnuć uvahu na nastupnyja pradukty (jany sapraŭdy padtrymajuć nastroj, dziakujučy ŭtrymańniu vitaminu D, mahniju i amiehi-3, a taksama sierataninu).
- Šakaład — pavyšaje ŭzrovień sierataninu i antyaksidantaŭ.
- Arechi. Bahatyja na amieha-3, što padtrymlivaje mozh i stabilny nastroj.
- Listavaja zielanina. Utrymlivaje fałaty — pryrodnyja formy vitaminu V9 (folijevaj kisłaty), što pazityŭna ŭpłyvajuć na niervovuju sistemu.
- Tłustaja ryba (łasoś, sieladziec, skumbryja) — naturalnaja krynica vitaminu D i amiehi-3. Taksama dapamahajuć niervovaj sistemie supakoicca.
- Banany — krynica mahniju, vitaminu B6 i sierataninu, jaki nazyvajuć harmonam ščaścia.
- Aŭsianka — pavolnyja vuhlavody, što prynosiać stabilny cukar u kryvi i, adpaviedna, bolš roŭny nastroj.
- Babovyja — heta šmat tryptafanu, mahniju i białku. Dapamahaje padtrymlivać enierhiju na ŭzroŭni i macuje psichičnuju ŭstojlivaść.
Ciapier čytajuć
Što Babaryka i Kaleśnikava adkazali na pytańni pra vajnu92
Kamientary
I nikakoj viałosti,ni Božie moj!
Davieča tut učili pravilno kołbasu riezať… raźbieriomsia.