PandaDoc uvajšła ŭ dvaccatku najlepšych kampanij dla dystancyjnaj pracy ŭ rejtynhu Quartz
Biznes-vydańnie Quartz skłała śpis najlepšych kampanij dla dystancyjnaj pracy. PandaDoc zaniała 12-je miesca siarod bujnych pracadaŭcaŭ (sa štatam bolš za 250 čałaviek).
Rejtynh byŭ składzieny na asnovie apytańnia, praviedzienaha siarod kampanij i ich supracoŭnikaŭ, paviedamlaje dev.by.
U apytańni ŭdzielničali kampanii, u jakich pracuje chacia b 25 čałaviek dystancyjna. Kali ŭ štacie bolš za 100 čałaviek, dla ŭdziełu ŭ apytańni treba było, kab 25% ź ich pracavała dystancyjna.
U rejtynh patrapili kampanii, remoŭt-supracoŭniki jakich dali 80% stanoŭčych adkazaŭ na pytańni z vaśmi katehoryj: lidarstva i płanavańnie, karparatyŭnaja kultura i kamunikacyi, zadavolenaść rolaj, pracoŭnaje asiarodździe, staŭleńnie da kiraŭnictva, navučańnie i raźvićcio, zarpłata i bonusy, i ahulnaja ŭciahnutaść.
Rejtynh padzieleny na 3 častki pa pamiery kampanij. PandaDoc zaniała 12-je miesca siarod samych bujnych (ad 250 čałaviek u štacie).
PandaDoc najmaje na addalenuju pracu ŭ ZŠA, Ukrainie, Rasii, Polščy i inšych krainach ES. U ZŠA adkryta bolš za 20 takich vakansij, va Ukrainie — 15.
U kampanii zaznačajuć, što dystancyjnaja praca karysna dla zdaroŭja, praduhledžvaje hnutki hrafik, adnolkava pa zarobku, a taksama praduhledžvaje apłatu kampiensacyju pryharadnych pajezdak, abo pajezdak u ofis.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki15
Kamientary