U 83 hady pajšoŭ z žyćcia były futbalist i trenier Juryj Pyšnik. Pra heta stała viadoma žurnalistam «Trybuny».
U časy SSSR Juryj Pyšnik byŭ hulcom kamandaŭ «Biełaruś» (ciapier «Dynama» Minsk) i «Spartak» (ciapier «Homiel»), a taksama hrodzienskaha «Niomana».
Na pasadzie treniera ŭžo ŭ niezaležnaj Biełarusi jon uznačalvaŭ zbornuju U-16, ź jakoj u 1994 hodzie vyjšaŭ u finalnuju častku junackaha čempijanata Jeŭropy, a na praciahu nastupnych 10 hadoŭ byŭ hałoŭnym trenieram Respublikanskaha vučylišča alimpijskaha reziervu.
Siarod jaho vychavancaŭ — takija viadomyja ŭ biełaruskim futbole ludzi, jak Ihar Kryvušenka, Hienadź Tumiłovič, Viktar Hančarenka, Alaksandr Jermakovič, Vadzim Skrypčanka, Vital Kutuzaŭ, Juryj Žaŭnoŭ, Siarhiej Kiślak, Alaksandr Martynovič i mnohija inšyja.
Ułasnyja dzieci Juryja Pyšnika, Siarhiej i Andrej, taksama stali futbalistami, a paśla trenierami.
Kamientary