Pytańnie ab uchvaleńni rasijskaj vakcyny ad karanavirusa «Sputnik V» u Suśvietnaj arhanizacyi achovy zdaroŭja prypynieny da pačatku praviadzieńnia novaj inśpiekcyi zavoda vytvorcy.
Jak paviedamiŭ žurnalistam namieśnik kiraŭnika Panamierykanskaj arhanizacyi achovy zdaroŭja doktar Žarbas Barbosa, praces spynili da taho času, pakul śpiecyjalistami nie buduć praviedzieny nieabchodnyja źmieny i zapytana novaja inśpiekcyja.
«Vytvorcy vakcyn pavinny paćvierdzić, što miescy, dzie vyrablajucca vakcyny, adpaviadajuć standartam praktyk vytvorčaści. Što tyčycca pracesu ŭchvaleńnia vakcyny dla ekstrannaha prymianieńnia, to hety praces prypynieny, bo padčas inśpiekcyi adnoj z fabryk nie było vyjaŭlena, što hetaja fabryka adpaviadaje naležnym praktykam», — skazaŭ Barbosa padčas videakanfierencyi.
U siaredzinie červienia ekśpiertnaja hrupa SAAZ vyjaviła parušeńni na vytvorčaści na pradpryjemstvie va Ufie. Pretenzii byli źviazany z achovaj navakolnaha asiarodździa i manitorynham vykidaŭ. Da inšych pradpryjemstvaŭ u ekśpiertaŭ zaŭvah nie było.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia2
Kamientary