Zhurtavańnie biełarusaŭ śvietu «Baćkaŭščyna» likvidavali. Arhanizacyja dziejničała z 1990 hoda
Siońnia ŭ Viarchoŭnym sudzie było abvieščana rašeńnie nakont Zhurtavańnia biełarusaŭ śvietu «Baćkaŭščyna». Arhanizacyju likvidavali.
Sudovaje pasiadžeńnie pa hramadzianskaj spravie na pozvu Ministerstva justycyi suprać Zhurtavańnia biełarusaŭ śvietu «Baćkaŭščyna» prajšło ŭ čaćvier, rašeńnie było ahučana siońnia.
***
Mižnarodnaje hramadskaje abjadnańnie «Zhurtavańnie biełarusaŭ śvietu «Baćkaŭščyna» było stvoranaje ŭ 1990 hodzie na chvali nacyjanalnaha adradžeńnia i dziejničaje 30 hadoŭ dla kansalidacyi biełarusaŭ u krainie i ŭ śviecie.
«Baćkaŭščyna» ładziła mierapryjemstvy i akcyi, skiravanyja na ŭmacavańnie biełaruskaj nacyjanalnaj identyčnaści, vystupała ŭ abaronu pravoŭ i intaresaŭ biełarusaŭ zamiežža.
Mienavita dziakujučy Zhurtavańniu ŭ 2014 hodzie byŭ pryniaty zakon «Ab biełarusach zamiežža», a Źjezdy biełarusaŭ śvietu, što pravodzilisia raz na čatyry hady, stali sapraŭdnaj ahulnanacyjanalnaj płatformaj dla abmierkavańnia aktualnych dla Biełarusi i jaje zamiežža pytańniaŭ i prablem.
14 lipienia na ofisie Zhurtavańnia adbyŭsia pieratrus. U vyniku dźviery byli apiačatany, rachunak zabłakavany.
Ad Ministerstva justycyi Zhurtavańnie za hety čas atrymała dva papiaredžańni: pieršaje za toje, što na sajcie arhanizacyi adsutničaje finansavaja spravazdača za 2020 hod, chacia zakon dazvalaje hetuju infarmacyju albo raźmiaščać na sajcie arhanizacyi, albo dasyłać u Miniust. Ministerstvu spravazdača była pradstaŭlenaja ŭ adpaviednaści z zakanadaŭstvam 28 lutaha, i za ŭvieś čas nijakich zaŭvah hetaja akaličnaść nie vyklikała.
15 lipienia było nakiravany novy dakumient z šeraham zaŭvah, jakija treba było vypravić da 22 lipienia.
Siarod inšaha, Zhurtavańniu staviłasia ŭ vinu roźnica pamiž jurydyčnym adrasam i adrasam dla naviedvańnia, paznačanym na sajcie. Taksama Ministerstva znajšło parušeńnie ŭ tym, što «Baćkaŭščyna» nie pradstaviła asabistyja danyja siabroŭ arhanizacyi.
Takim čynam dva piśmovyja papiaredžańni ad Ministerstva justycyi i dali mahčymaść likvidavać arhanizacyju ciaham hodu.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary