Samy viadomy polski fiłosaf, adzin sa śvietłych rozumaŭ Centralnaj Jeŭropy adyšoŭ z hetaha śvietu na 82-m hodzie žyćcia ŭ klinicy Oksfardu.
Kałakoŭski byŭ śpiecyjalistam pa marksiźmie. U junactvie jon byŭ marksistam sam. Pad 1968 hod fiłosaf pierajšoŭ na rezka krytyčnyja da kamunizmu pazicyi i ŭrešcie emihravaŭ z Polščy ŭ Brytaniju, paśla taho jak jaho zvolnili z pasady prafiesara Varšaŭskaha ŭniviersitetu za padtrymku antykamunistyčnaj apazicyi.
Kałakoŭski pryjšoŭ da dumki, što tatalitaryzm Stalina byŭ łahičnym zaviaršeńniem intelektualnych pabudovaŭ Karła Marksa.
Na emihracyi jon staje prafiesaram Oksfardskaha ŭniviersitetu. Maralist, historyk fiłasofii, zajmaŭsia jon najbolš dylemami jeŭrapiejskaje kultury.
Śvietłaja pamiać jamu ad imia biełarusaŭ, jakich jon viedaŭ i jakim z usioj svajoj dabrynioj spačuvaŭ.
