Самы вядомы польскі філосаф, адзін са светлых розумаў Цэнтральнай Еўропы адышоў з гэтага свету на 82-м годзе жыцця ў клініцы Оксфарду.
Калакоўскі быў спецыялістам па марксізме. У юнацтве ён быў марксістам сам. Пад 1968 год філосаф перайшоў на рэзка крытычныя да камунізму пазіцыі і ўрэшце эміграваў з Польшчы ў Брытанію, пасля таго як яго звольнілі з пасады прафесара Варшаўскага ўніверсітэту за падтрымку антыкамуністычнай апазіцыі.
Калакоўскі прыйшоў да думкі, што таталітарызм Сталіна быў лагічным завяршэннем інтэлектуальных пабудоваў Карла Маркса.
На эміграцыі ён стае прафесарам Оксфардскага ўніверсітэту. Мараліст, гісторык філасофіі, займаўся ён найбольш дылемамі еўрапейскае культуры.
Светлая памяць яму ад імя беларусаў, якіх ён ведаў і якім з усёй сваёй дабрынёй спачуваў.
«Галоўнае — гэта вопыт!» Лукашэнка назваў, каго бачыць наступным прэзідэнтам14
Каментары