Pryvatny samalot urezaŭsia ŭ ofisny budynak u Miłanie nieŭzabavie paśla ŭźlotu z aeraporta. Zahinuli ŭsie vosiem čałaviek na borcie. Budynak stajaŭ pustym, i na ziamli nichto nie paciarpieŭ, piša Bi-bi-si.
Samalot uźlacieŭ ź miłanskaha aeraporta Linata i pavinien byŭ uziać kurs na vostraŭ Sardzinija, ale ŭpaŭ na ŭskrainie Miłana.
Śviedki raspaviadajuć, što samalot, zvaliŭšysia na dom, uzarvaŭsia.
Pa źviestkach miascovaj presy, adzin z zahinułych — dzicia.
«Ja pačuŭ huk, byccam samalot vyklučaŭ ruchaviki. A potym - vielmi hučny vybuch. U nas zatresłasia škło. Ja adčyniŭ akno i ŭbačyŭ, što padymajecca vielizarnaje vobłaka dymu», — raspavioŭ ahienctvu Rejter miascovy žychar Džuzepe.
Jak paviedamiŭ telekanał Rai TV, na borcie samalota byli francuzy, ale aficyjna hetaja infarmacyja jašče nie paćvierdžanaja.
Kamientary