Byłoha śledčaha Jahora Viaršynina buduć sudzić pa kryminalnym artykule
8 kastryčnika ŭ sudzie Centralnaha rajona Minska pačniecca razhlad kryminalnaj spravy byłoha śledčaha Jahora Viaršynina. Ab hetym paviedamlajecca ŭ raskładzie pasiadžeńniaŭ na sajcie Viarchoŭnaha suda.
Jahora Viaršynina buduć sudzić pa «narodnym» artykule 342 «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich». Sankcyja praduhledžvaje da piaci hadoŭ abmiežavańnia abo da čatyroch hadoŭ pazbaŭleńnia voli.
Abvinavačany, nahadajem, były śledčy. U orhanach jon adsłužyŭ bolš za šeść hadoŭ. Paśla čaho pierajšoŭ u IT-śfieru, pracavaŭ u kampanii, jakaja zajmajecca spartyŭnaj analitykaj. Zatrymali jaho sioleta 11 červienia.
«Jahor, jak były śledčy, byŭ aburany ŭzroŭniem hvałtu, jaki ŭžyvaŭsia da hramadzian u žniŭni 2020 jak padčas ich zatrymańniaŭ, tak i padčas nastupnaha ich utrymańnia ŭ IČU i CIP na Akreścina, a taksama adsutnaściu pravavoj acenki dziejańniaŭ supracoŭnikaŭ, z boku jakich byŭ hvałt. Padčas słužby Jahora da padazravanych pa kryminalnych spravach, jakija znachodzilisia ŭ jaho ŭ vytvorčaści, padčas zatrymańniaŭ nieabhruntavanaja fizičnaja siła nie ŭžyvałasia», — raspavioŭ «Našaj Nivie» brat Jahora.
Kamientary