Užo 87 asudžanych: siońnia pa «spravie karahodaŭ» u Breście vynieśli prysudy jašče šaściarym
Jak paviedamlajuć pravaabaroncy, siońnia ŭ Breście ahučyli prysudy šaści fihurantam vośmaj hrupy pa «spravie karahodaŭ» pa č. 1 art. 342 KK (udzieł u dziejańniach, jakija hruba parušajuć hramadski paradak).
Nahadajem, 13 vieraśnia minułaha hoda na Maršy hierojaŭ u Breście na skryžavańni bulvara Kasmanaŭtaŭ i praśpiekta Mašerava pratestoŭcy vadzili karahod, śpiavali pieśni, tančyli — ludziej razahnali vadamiotam, a potym zaviali adnu z samych masavych kryminalnych spraŭ paśla pratestaŭ.
Sudździa Maryja Alifieruk vyniesła nastupnyja prysudy:
- palitviazień Aleh Kuleš — 1 hod i 7 miesiacaŭ kałonii;
- Mikita Dzimitryjeŭ — 2 hady «chimii».
- Siarhiej Kuncevič i Hanna Kašyrskich — 1,5 hoda «chimii»;
- Taćciana Piakarskaja i Dźmitryj Makarevič — 1,5 hoda chatniaj «chimii».
Pa «spravie karahodaŭ» užo asudžana 87 čałaviek. Ahułam im prysudzili:
- 71,5 hoda «chimii»;
- 66,5 hoda «chatniaj chimii»;
- 9 hadoŭ i 2 miesiacy kałonii.
Kamientary