Minabarony Polščy: Na biełaruskaj miažy pabudujuć płot i pavialičać kolkaść vajskoŭcaŭ
Ministr nacyjanalnaj abarony Polščy Maryjuš Błaščak anansavaŭ stvareńnie zakona, u adpaviednaści ź jakim na polska-biełaruskaj miažy buduć pabudavany ŭmacavańni. Jany pavinny spynić mihracyjny cisk.
Ministr Maryjuš Błaščak zajaviŭ, što Polšča maje namier skarystacca vienhierskim vopytam, vyniesienym ź mihracyjnaha kryzisu 2015 hoda, paviedamlaje Radyjo Polšča.
«Stvarajecca zakon, na padstavie jakoha budzie pabudavany pastajanny inžynierny płot. My rychtujemsia da aharodžy miažy. My skarystajemsia vienhierskim vopytam. Vienhryja pabudavała płot na miažy ź Sierbijaj [mietaličnyja zaharody]. Heta nie tak prosta, bieručy pad uvahu roznyja pravavyja rehulacyi, ale my skarystajemsia ich vopytam. Zakon raspracoŭvajecca», — skazaŭ jon.
Maryjuš Błaščak padkreśliŭ, što siońniašniaja miaža pamiž Polščaj i Biełaruśsiu efiektyŭna minimizuje prytok mihrantaŭ.
Kiraŭnik Minabarony taksama paviedamiŭ, što na polska-biełaruskaj miažy budzie pavialičanaja kolkaść vajskoŭcaŭ, jakija štodnia akazvajuć padtrymku pamiežnikam. Ciapier tam znachodziacca 3 tysiačy vajskoŭcaŭ. Pry nieabchodnaści ich kolkaść moža być padvojena.
Kamientary