Jeŭrapiejski sud pa pravach čałavieka zabaraniŭ vydavać z Rasii biełarusa Vadzima Dubojskaha
Jeŭrapiejski sud pa pravach čałavieka (JESPČ) 20 kastryčnika pryniaŭ rašeńnie pa skarzie advakata biełarusa Vadzima Dubojskaha. Žychar Bresta zaraz znachodzicca ŭ Biełharodskaj SIZA, jaho čakaje vydača na radzimu. JESPČ zabaraniŭ heta rabić, tak jak pahadziŭsia z dovadami abarony ab pieraśledzie i mahčymaści katavańniaŭ biełarusa.
Pra heta BiełaPAN sa spasyłkaj na advakata paviedamiła siastra Dubojskaha.
Siońnia ŭ pieršym apielacyjnym sudzie Maskvy adbudziecca razhlad skarhi advakata Dubojskaha na vydaču ŭ Biełaruś.
Nahadajem, 13 kastryčnika Sud u Čyrvonaj Jaruzie (Biełharadskaja vobłaść) padoŭžyŭ na 2 miesiacy aryšt Dubojskamu. Jaho zatrymali ŭ Rasii 12 krasavika na zapyt biełaruskich uładaŭ, mužčyna znachodzicca ŭ SIZA Biełharada.
U žniŭni 2020 hoda ŭ Breście Vadzima zatrymali i źbili, ale adpuścili biez pratakoła. Mužčyna źniaŭ paboi — i na jaho zaviali spravu za masavyja biesparadki. Uvosień 2020 hoda jon źjechaŭ u Rasiju, dzie i byŭ zatrymany.
Kamientary