U Łatvii chočuć abviaścić mabilizacyju miedykaŭ z-za situacyi z karanavirusam
Ministerstva achovy zdaroŭja Łatvii ŭžo ŭ piatnicu, 29 kastryčnika, płanuje padać uradu zapyt ab abviaščeńni mabilizacyi, paviedamlaje Delfi.
Mabilizacyja aznačaje, što metanakiravana płanujucca i rychtujucca miery vajennaj abo hramadzianskaj abarony z metaj praduchileńnia pahrozy dziaržavie abo likvidacyi jaho nastupstvaŭ, vykarystoŭvajučy peŭnyja čałaviečyja, materyjalnyja i finansavyja resursy.
Pa prahnozach Ministerstva achovy zdaroŭja, rasparadžeńnie ab mabilizacyi pryjdziecca abjavić užo 2 listapada.
Ministr achovy zdaroŭja Danieł Paŭluts płanuje padać zapyt ab abjaŭleńni častkovaj abo miascovaj mabilizacyi čałaviečych resursaŭ padčas nadzvyčajnaj situacyi. Buduć vyznačanyja śpiecyjalnaści miedpiersanału, na jakija budzie raspaŭsiudžvacca mabilizacyja.
Płan mabilizacyi praduhledžvaje taksama pavieličeńnie kolkaści novych łožkaŭ dla pacyjentaŭ z COVID-19 da 2500 łožkaŭ i padrychtoŭku jašče 500 łožkaŭ, kali pakazčyki zachvorvańnia nie buduć źnižacca pavodle prahnozaŭ.
Kab pavialičyć mahčymaści balnic lačyć pacyjentaŭ z Covid-19, Łatvija źviarnułasia pa padtrymku ŭ ES ab pradastaŭleńni roznaha miedycynskaha abstalavańnia.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary