Biełaruś zajmaje pieršaje miesca ŭ Jeŭropie pa kolkaści źniavolenych
A ŭ rejtynhu krain pa kolkaści źniavolenych u miescach pazbaŭleńnia voli na 100 tysiač žycharoŭ Biełaruś zaniała 20 miesca z 223 krain i terytoryj, piša thinktanks.by.
Ekśpierty the World Prison Brief (WPB) i Instytuta daśledavańniaŭ palityki ŭ halinie złačynnaści i pravasudździa apublikavali danyja pa kolkaści źniavolenych na 100 tysiač žycharoŭ i rejtynh krain pa absalutnaj kolkaści źniavolenych u 223 jurysdykcyja śvietu.
U rejtynhu adnosnaj kolkaści źniavolenych na 100 tysiač žycharoŭ Biełaruś zaniała 20-je miesca ŭ śviecie. Pavodle źviestak daśledčykaŭ, u Biełarusi na 100 tysiač nasielnictva prypadaje 345 źniavolenych.
U Rasii, jakaja znachodzicca na 24-m miescy, hety pakazčyk składaje 326 «siadzielcaŭ», a va Ukrainie, jakaja znachodzicca na 108 radku, 140 čałaviek.
U rejtynhu krain pa absalutnym kolkaści ludziej, što znachodziacca ŭ miescach pazbaŭleńnia voli, Biełaruś nie apynułasia na zadvorkach. Z pakazčykam 32 556 źniavolenych jana zaniała 50-je miesca, raźmiaściŭšysia ŭ śpisie pamiž Turkmienistanam i Tanzanijaj.
Kali paraŭnać ciapierašni rejtynh z pakazčykami piacihadovaj daŭnaści, možna adznačyć jak pazityŭnuju, tak i niehatyŭnuju tendencyju. Pazityŭ zaklučajecca ŭ tym, što miesca Biełarusi ŭ «suśvietnym śpisie turmaŭ», jak čaściakom nazyvajuć u ŚMI dadzienaje daśledavańnie, padaje. Bo ŭ 2016 hodzie naša kraina zajmała ŭ rejtynhu 12-ju pazicyju. A voś niehatyvam maje sens pryznać toje, što kolkaść źniavolenych u Biełarusi, miarkujučy pavodle danych aŭtaraŭ daśledavańnia, raście. U 2016 hodzie havorka išła ab znachodžańni za kratami 306 hramadzian na 100 tysiač nasielnictva.
Lidarami rejtynhu adnosnaj kolkaści źniavolenych źjaŭlajucca ZŠA, Turkmienistan i Salvador, dzie siadziać u pienitencyjarnych ustanovach 629, 576 i 564 čałaviek na 100 tysiač nasielnictva, adpaviedna.
Lidarami rejtynhu absalutnaj kolkaści źniavolenych źjaŭlajucca ZŠA, Kitaj i Brazilija, dzie siadzić 2 068800, 1 690 000 i 81107 čałaviek.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary