Na apošnich prezydenckich vybarach kamunisty z PKB zarekamendavali siabie jak addanyja zmahary suprać samadziaržaŭja. Heta nie mahło padabacca ŭładam, jakija nieŭzabavie zynicyjavali hetak zvany abjadnaŭčy źjezd KPB i PKB.
Na apošnich prezydenckich vybarach kamunisty z PKB zarekamendavali siabie jak addanyja zmahary suprać samadziaržaŭja. Heta nie mahło padabacca ŭładam, jakija nieŭzabavie zynicyjavali hetak zvany abjadnaŭčy źjezd KPB i PKB. Praŭładnyja kamunisty zakidvali kalakincam partnerskija dačyńni z partyjami i arhanizacyjami pravaha tołku. Sapraŭdy, ciapier užo nikoha nia dziviać dobryja adnosiny miž PKB i PBNF. Kamunisty stali ciesna źviazanyja ź biełaruskim nacyjanalnym rucham, jak niekali było ŭ Zachodniaj Biełarusi z KPZB.
U źviazku z subotnim źjezdam Ministerstva justycyi imavierna moža likvidavać PKB, dyk ci hatovyja kamunisty syści ŭ padpolle, jak heta było z KPZB? Z takim pytańniem «NN» źviarnułasia da dziejačaŭ kamunistyčnaha ruchu.
Viktar Kapulcevič, były staršynia barysaŭskaha harvykankamu: «Kaniečnie! Moža, kamu i zdajecca, što nas nichto čapać nia budzie, ale ja nia maju z hetaj nahody iluzij, bo tady navošta ŭładam byŭ treba toj źjezd? U nas u Barysavie z PKB nia vyjšaŭ nivodzin čałaviek, choć siabroŭstva ŭ našaj partyi pahražaje ludziam zvalnieńniem. Budziem pracavać u padpolli: inšaha vybaru ŭ nas nie zastajecca».
Dźmitry Janienka, lider kamsamołu: «Budziem pracavać u lubych umovach, choć, zrešty, nijakich padstavaŭ likvidoŭvać našu partyju niama. Na źjeździe KPB udzielničali tolki dva byłyja siabry PKB, jakija ŭžo byli vyklučany z partyi. My źbirajemsia dziejničać jak lehalnaja struktura, ale, kali nas urešcie likvidujuć, to heta budzie horš najpierš dla ŭładaŭ. Kamunisty ŭmiejuć pracavać u padpolli».
Siarhiej Voźniak, hałoŭny redaktar hazety «Tovariŝ»: «Pakul što nie staić pytańnie ab likvidacyi, bo abjadnaŭčy źjezd adbyŭsia tolki farmalna, a faktyčna tam było ŭsiaho niekalki siabroŭ PKB».
Valer Uchnaloŭ, sakratar PKB : «Hatovyja, choć nia dumaju, što heta spatrebicca».
Ivan Akinčyc, prafesar, doktar filazofskich navuk, Bieraście :
«Hatovyja. Kropka».
Kamientary