Prapahandyscki palitołah vykazaŭ słovy padtrymki Iranu.
«Raźličvaju na toje, što ŭłady ŭ Tehieranie padrychtavalisia naležnym čynam. Niahledziačy na peŭnuju padtrymku sajuźnikaŭ i siabroŭskich krain, Iran moža raźličvać pieravažna na ŭłasnyja siły», — napisaŭ Alaksadr Špakoŭski.
«Varta pažadać mužnaści i stojkaści iranskamu narodu i kiraŭnictvu krainy. Vorah abaviazkova praciahnie sproby ŭnutranaj diestabilizacyi na fonie źniešniaj ahresii. Sproba fizičnaj likvidacyi lidaraŭ Irana navat biez farmalnaha abviaščeńnia vajny śviedčyć ab kančatkovym zamacavańni terarystyčnych praktyk u palitycy asobnych dziaržaŭ. U hetaj suviazi ŭźnikaje pytańnie: kali možna adnamu, čamu inšyja pavinny siabie abmiažoŭvać? I da čaho ŭ kančatkovym vyniku pryjdzie čałaviectva?» — dadaŭ jon.
Pa jaho słovach, na sučasnym etapie tolki najaŭnaść jadziernaj zbroi i palityčnaja vola da jaje vykarystańnia moža być harantyjaj suverenitetu i biaśpieki.
«Ahresija suprać Irana niesumnienna ŭzbudzić reštki varjataŭ unutry Biełarusi, a taksama padbadzioryć biehłych z Radzimy. Tam, darečy, źmianiajecca kanfihuracyja: palityčny centr kančatkova pieramiaściŭsia ź Vilni ŭ Varšavu, «novaja apazicyja» stvarajecca ŭ Bierlinie, a Kijeŭ imkniecca adyhrać asnoŭnuju rolu ŭ cisku na Biełaruś, staŭšy punktam pryciahnieńnia najbolš admarožanych ekstremisckich elemientaŭ», — padrachavaŭ Špakoŭski.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Vypjem za Chamiejni,
Vypjem i znoŭku naljem!