Čamadanava: My nie možam dapuścić na našy pradpryjemstvy ludziej, jakija nie pavažajuć Łukašenku i isnujučuju simvoliku
Na dziaržpradpryjemstvie pavinny pracavać ludzi ź ćviordymi pierakanańniami i adnaznačnaj pazicyjaj — ludzi dziaržavy. Pra heta zajaviła načalnik Hałoŭnaha ŭpraŭleńnia ideałahičnaj raboty i pa spravach moładzi Minharvykankama Volha Čamadanava, paviedamlajuć Minsk-naviny.
«My nie možam dapuścić na našy pradpryjemstvy ludziej, jakija nie pavažajuć našaha prezidenta i isnujučuju simvoliku», — adznačyła Volha Čamadanava.
«Kali čałaviek zdradziŭ adzin raz, jon zdradzić i druhi. Dumać ab tym, chto raskajaŭsia, napeŭna, nie varta, — skazała kiraŭnik hałoŭnaha ideałahičnaha ŭpraŭleńnia Minharvykankama. — 2020 hod, na ščaście ci na žal, u niekatorych sacyjalnych momantach žyćcia nam akazaŭ dapamohu, pakazaŭ, chto siarod nas, z kim my słužym, nakolki hetyja ludzi viernyja svajoj radzimie. My heta ŭbačyli nie na słovach, a na kankretnych dziejańniach. Treba było, kab heta stała vidavočnym. Viadoma my nie chacieli, kab tak zdaryłasia. Ale heta zdaryłasia, i fakt zastajecca faktam. I ŭsprymać jaho treba pravilna.
***
Varta adznačyć, što 39-y artykuł Kanstytucyi harantuje roŭny dostup da lubych pasad u dziaržaŭnych orhanach lubych hramadzianam u adpaviednaści sa svaimi zdolnaściami i prafiesijnaj padrychtoŭkaj.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary