Kab pieraadoleć kryzis ź mihracyjaj na miažy Polščy i Litvy ź Biełaruśsiu, možna źviartacca i da Alaksandra Łukašenki, kaža prezident Litvy Hitanas Naŭsieda, jaho słovy pieradaje Delfi.
«Dumaju, što jość mahčymaści vyrašyć kryzis, źviarnuŭšysia i da spadara Łukašenki, jak tolki što zrabiła Anhieła Mierkiel. My pavinny havaryć z čałaviekam, jaki niasie adkaznaść za toje, što adbyvajecca na miažy», — skazaŭ prezident Litvy ŭ aŭtorak u intervju BBC. Pa jaho słovach, ź Biełaruśsiu taksama treba havaryć pra humanitarnyja prablemy, vyklikanyja hetym kryzisam.
«Nam taksama varta havaryć pra humanitarnyja prablemy — i nie tolki z Polščaj, Łatvijaj, Litvoj ci ź inšymi krainami Jeŭrasajuza, ale pierš za ŭsio — ź Biełaruśsiu, pakolki jana ŭ adkazie za toje, što adbyvajecca na jaje terytoryi», — skazaŭ Naŭsieda. Pa słovach prezidenta, tamu važna źviartacca ŭ viedamstvy ES i patrabavać ad supolnaści nie tolki źmianieńniaŭ u mihracyjnaj palitycy, ale i ŭdziełu ŭ budaŭnictvie płota na miažy ź Biełaruśsiu.
«My pavinny źviartacca ŭ viedamstvy ES — nie tolki z nahody palityki ŭ halinie mihracyi i prytułku, ale i z nahody budaŭnictva płota pamiž Polščaj i Biełaruśsiu, a taksama pamiž Litvoj i Biełaruśsiu, tamu što ciapier Litva i Polšča abaraniajuć zachodniuju demakratyju. My starajemsia nie dazvolić hetym ludziam iści dalej — u Niamieččynu. My starajemsia rabić toje, što my možam zrabić lepš za ŭsio, kab abaranić ES», — skazaŭ kiraŭnik litoŭskaj dziaržavy.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary