U Hrodzienskim rajonie razyhrałasia žudasnaja scena, amal jak u halivudskich bajevikach. Tolki finał sapraŭdy trahičny.
U Hrodzienskim rajonie razyhrałasia žudasnaja scena, amal jak u halivudskich bajevikach. Tolki finał sapraŭdy trahičny.
27 lipienia ŭ vioscy Zabałać pasvarylisia susiedzi. Adzin z mužčynaŭ, indyvidualny pradprymalnik 1970 h. n., raniej asudžany za niavypłatu alimientaŭ, znachodziačysia ŭ stanie ałkaholnaha apjanieńnia, niečakana skončyŭ svarku žudasnym sposabam. Vychapiŭšy abrez, jon streliŭ susiedu ŭ hałavu, z-za čaho mužčyna 1974 h. n. skanaŭ na miescy.
Paśla zroblenaha, «strałok» zabarykadavaŭsia va ŭłasnaj chacie. Vyklikanyja na miesca zdareńnia apieratyŭniki sprabavali ciaham troch hadzin vieści pieramovy ź im, adnak toj u adkaz stralaŭ z akna pa supracoŭnikach milicyi i miedykach. Zabojca pahražaŭ zabić kožnaha, chto ŭvojdzie ŭ chatu.
Pieramovy zaciahvalisia, a dziejańni złačyncy rabilisia ŭsio bolš nieadekvatnymi. U vyniku było pryniataje rašeńnie pra praviadzieńnie siłavoj apieracyi śpiecpadraździaleńniem UUS. Adnak zatrymoŭvać złačyncu nie pryjšłosia: strełam z abreza mužčyna skončyŭ žyćcio samahubstvam.
Jak vyśvietliłasia, raniej pradprymalnik kupiŭ chatu ŭ zabitaha im susieda. Žyli jany pobač, navat płot byŭ ahulny. Pa niekatorych dadzienych, pryčynaŭ svarki mahło być toje, što zabity niby atruciŭ sabaku zabojcy.
Raspačataja kryminalnaja sprava. Kanfiskavany abrez niezarehistravanaj drobnakalibiernaj vintoŭki i piać patronaŭ da jaho. Prakuratura pravodzić pravierku.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary