Kultura

Niaklajeŭ raspačaŭ sieryju prezientacyj svajho novaha ramana ŭ Polščy

Piśmieńnik Uładzimir Niaklajeŭ vydaŭ novy raman «Hej Ben Hinom». Z palityčnych pryčynaŭ hety tvor nie ŭdałosia vydać u Biełarusi, jon źjaviŭsia u Polščy, adkul aŭtar i pačaŭ cykł prezientacyj, učora pieršaja ź ich adbyłasia ŭ Krakavie, paviedamlaje Polskaje radyjo.

Fota Jarasłava Ivaniuka

«Raman staŭ aktualny, bo viarnułasia toje, što, zdavałasia, nazaŭsiody zastałosia ŭ historyi. Siońniašniaje pakaleńnie biełarusaŭ paŭtaraje los pakaleńnia stalinskich časoŭ. Hadoŭ represij, achviarmi jakich stali najlepšyja syny i dočki Biełarusi. U tym liku nacyjanalny hienij Janka Kupała, pra žyćcio i hibiel jakoha raman.

Šmat chto pytaje pra nazvu knihi: što jana aznačaje? U pierakładzie heta «Hiejena vohniennaja». Ci paprostu piekła, u jakim (u viečnym strachu być aryštavanymi, apynucca ŭ turmach, u łahierach, u Kurapatach) pražyli svajo žyćcio piersanažy ramana. I ŭ jakim tysiačy biełarusaŭ niespadziavana apynulisia siońnia…» — piša Uładzimir Niaklajeŭ u Fejsbuku.

Fota Jarasłava Ivaniuka

Raskład prezientacyj pa miescy i časie:

26.11., piatnica, Vrocłaŭ — Wrocławski Dom Literatury «Klub Proza», Przejście Garncarskie 2, godz. 18:00

27.11., subota, Poznań — Centrum Kultury Zamek Sala Wielka, ul. Św. Marcin 80/82, godz. 16.00

28.11., niadziela, Hdańsk — Miejski Teatr Miniatura, aleja Grunwaldzka 16, godz. 15:30

29.11., paniadziełak, Varšava — ul. Kryniczna 6, godz. 18:00

30.11., aŭtorak, Łodź — Dom Literatury, ul. Franklina Delano Roosevelta 17, godz. 18:00

01.12., sierada, Biełastok — Podlaski Instytut Kultury, ul. Św. Rocha 14 (Spodki), godz. 17:00

02.12., čaćvier, Bielsk Padlaski — Bielski Dom Kultury, ul. 3 Maja 2, godz. 17.00

03.12., piatnica, Vilnia — Sajuz piśmieńnikaŭ Litvy, vuł. K. Sirvido 6 (K.Sirvydo 6), 17.00

04.12., subota, Vilnia — Biełaruski dom, Vilniaus g. 20, 17:00

Raman maje dźvie hałoŭnyja siužetnyja linii. Centralny hieroj pieršaj — Janka Kupała, žyćcio jakoha abarvałasia ŭ červieni 1942 hoda ŭ stalicy savieckaj impieryi ŭ vyniku padzieńnia ŭ leśvičny pralot hatela «Maskva». Dakumienty pra śmierć Kupały dahetul zasakrečanyja, što daje padstavy dla niekalkich viersij, choć bolšaść daśledčykaŭ pahadžajucca, što heta było arhanizavanaje śpiecsłužbami zabojstva.

Hałoŭny hieroj druhoj siužetnaj linii ramana — małady biełaruski paet Viktar Mahier, student maskoŭskaha Litaraturnaha instytuta, jaki viadzie bahiemnaje žyćcio, krychu dysidenctvuje, ale najbolš frandziruje, što vyjaŭlajecca i ŭ jaho pracy kačaharam. Vypadkovaje znajomstva, a zatym intymnyja stasunki z Hannaj, dačkoj adnaho z kiraŭnikoŭ SSSR, nabližajuć Mahiera da ŭłady i naradžajuć u jaho fantazii pra mahčymaść paŭpłyvać na dalejšy chod savieckaj historyi.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ci sapraŭdy «Avija Moł» taki žachliva vielizarny, jak jaho apisvajuć?

Ci sapraŭdy «Avija Moł» taki žachliva vielizarny, jak jaho apisvajuć?

Usie naviny →
Usie naviny

U rečyckim parku ŭ honar lotčykaŭ časoŭ vajny pastavili cyvilny samalot 35-hadovaha ŭzrostu3

Ksiandza Akałatoviča pieraviali ŭ kałoniju ŭ dzień śviatkavańnia Vialikadnia1

Prapahandysty anansavali intervju z usimi palakami, asudžanymi ŭ Biełarusi za špijanaž3

Nakolki ŭsio kiepska z ekanomikaj Kitaja? Piekin schavaŭ usiu statystyku, jakaja mahła b dać adkaz na hetaje pytańnie7

Vydaleny telehram-kanał školnikaŭ, jakija vystupali suprać pakistanskich mihrantaŭ, pryznali «ekstremisckim»3

Prykmietna pavialičyłasia kolkaść piensijanieraŭ, jakija pracujuć5

Źjavilisia FOTY z vystupleńnia Viktara Coja ŭ Minsku ŭ 1989 hodzie17

U niamieckaj ambasadzie bolš nielha budzie abskardzić admovu ŭ vizie4

«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY19

bolš čytanych navin
bolš łajkanych navin

Ci sapraŭdy «Avija Moł» taki žachliva vielizarny, jak jaho apisvajuć?

Ci sapraŭdy «Avija Moł» taki žachliva vielizarny, jak jaho apisvajuć?

Hałoŭnaje
Usie naviny →

Zaŭvaha:

 

 

 

 

Zakryć Paviedamić