Palitźniavolenaja kaardynatarka vałanciorskaj słužby PC «Viasna» Maryja Rabkova paviedamiła svajakam u liście, što joj vystaŭlenyja kančatkovyja abvinavačvańni, pa jakich jaje buduć sudzić, — heta 11 artykułaŭ Kryminalnaha kodeksa Respubliki Biełaruś.
Ciapier pravaabaroncy pahražaje da 15 hadoŭ pazbaŭleńnia voli. Rabkova znachodzicca ŭ źniavoleńni bolš za 14 miesiacaŭ i admaŭlajecca davać pakazańni.
Raniej jana paviedamlała svajakam u listach, što supracoŭniki milicyi «paabiacali» joj termin «pamiž Babarykam i Kaleśnikavaj».
Śpis artykułaŭ:
- č. 1 art. 293 (Arhanizacyja masavych biesparadkaŭ)
- č. 1 art. 13 da č. 2 art. 293 (Padrychtoŭka i naŭmysnaje stvareńnie ŭmoŭ da ŭdziełu ŭ masavych biesparadkach)
- č. 3 art. 293 (Navučańnie ci inšaja padrychtoŭka asob dla ŭdziełu ŭ masavych biesparadkach, a roŭna finansavańnie ci inšaje materyjalnaje zabieśpiačeńnie takoj dziejnaści)
- č. 1 art. 342 (Arhanizacyja hrupavych dziejańniaŭ, jakija hruba parušajuć hramadski paradak)
- č. 3 art. 361 (Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś z vykarystańniem srodkaŭ masavaj infarmacyi abo hłabalnaj kampjutarnaj sietki Internet)
- č. 1 art. 361-1 (Stvareńnie ekstremisckaha farmiravańnia)
- č. 1 art. 285 (Kiraŭnictva złačynnaj arhanizacyjaj)
- č. 3 art. 130 (Raspalvańnie sacyjalnaj varožaści hrupaj asob)
- č. 2 art. 339 (Złosnaje chulihanstva)
- č. 3 art. 339 (Asabliva złosnaje chulihanstva)
- art. 341 (Apahańvańnie zbudavańniaŭ i psavańnie majomaści)
- č. 3 art. 218 (Naŭmysnyja źniščeńnie abo paškodžańnie čužoj majomaści, učynienyja arhanizavanaj hrupaj)
- č. 2 art. 295-3 (Niezakonnyja dziejańni ŭ dačynieńni da pradmietaŭ, dziejańnie jakija zasnavanaje na vykarystańni haručych rečyvaŭ, učynienyja hrupaj asob)
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary