U Kijevie prachodzić akcyja pamiaci zabitaha žurnalista Paŭła Šaramieta — 28 listapada jamu spoŭniłasia b 50 hadoŭ, piša «Ukrajinśka pravda».
U akcyi biaruć udzieł biełaruskija i ŭkrainskija žurnalisty, siabry Paŭła, inšyja nieabyjakavyja.
Jany sabralisia kala pomnika Šaramietu na skryžavańni vulic Bahdana Chmialnickaha i Ivana Franko, dzie i zahinuŭ žurnalist.
Pavieł Šaramiet naradziŭsia 28 listapada 1971 hoda ŭ Minsku.
Žurnalist pracavaŭ u troch krainach: Biełarusi, Rasii i Ukrainie. Paśla jahonaha aryštu ŭ Biełarusi za krytyčnyja materyjały ŭ 1997 hodzie byŭ vymušany źjechać u Rasiju. Paźniej Šaramieta pazbavili biełaruskaha hramadzianstva.
Z 1998 hoda žurnalist budavaŭ prafiesijnuju karjeru ŭ Rasii, pracavaŭ na viadučych rasijskich telekanałach jak aŭtar dakumientalnych filmaŭ i śpiecprajektaŭ. Ale ŭ kancy 2000-ch jon vymušany byŭ pakinuć Pieršy rasijski kanał, tamu što nie zachacieŭ mirycca z cenzuraj i ciskam.
Z 2012 hoda Šaramiet žyŭ i pracavaŭ u Kijevie.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary