Byłomu milicyjantu prysudzili 3 hady «chimii» za kamientaryj u «Adnakłaśnikach»
7 śniežnia sud Kastryčnickaha rajona Viciebska ahučyŭ prysud pa spravie, zaviedzienaj na byłoha supracoŭnika MUS Alaksandra Žalazoŭskaha za abrazu ŭ internecie pradstaŭnika ŭłady. 50-hadovaha viciablanina pryznali vinavatym i asudzili na try hady abmiežavańnia voli z nakiravańniem u papraŭčuju ŭstanovu adkrytaha typu. Aproč taho, Žalazoŭski musić vypłacić paciarpiełamu kampiensacyju maralnaj škody ŭ pamiery 1000 rubloŭ, paviedamlajuć pravaabaroncy.
Spravu raźbiraŭ sudździa Siarhiej Budrevič. Paciarpieły, učastkovy milicyjant z Babrujska Andrej Komar, na pasiedžańniach nie prysutničaŭ.
Pavodle śledstva, Alaksandr Žalazoŭski ŭ červieni 2020 hoda pakinuŭ pad dopisam u sacyjalnaj sietcy «Adnakłaśniki» kamientaryj: «U jaho na łbie napisana: posk*dź končanaja».
U publikacyi, pad jakoj byŭ pakinuty kamientaryj, viałasia havorka pra milicyjanta z Babrujska Andreja Komara. «Heta ja davaŭ pakazańni, kab nievinavatych adpravili ŭ turmu», — taki podpis stajaŭ pad fotazdymkam Komara.
Na pohlad abvinavačańnia, Žalazoŭski svaim kamientaryjem pad dopisam abraziŭ pradstaŭnika ŭłady pry vykanańni im słužbovych abaviazkaŭ.
Abvinavačany viny nie pryznaŭ.
Advakat Žalazoŭskaha padčas sudovych sprečak śćviardžaŭ, što kamientaryj nie mieŭ kankretnaha adrasata i što jaho padabaronny nie abražaŭ pradstaŭnika ŭłady, a «emocyjami reahavaŭ na toje, što aŭtar dopisu prypisvaŭ Komaru». Prasiŭ sud całkam apraŭdać viciablanina.
Sudździa Siarhiej Budrevič pryznaŭ Žalazoŭskaha vinavatym u złačynstvie, praduhledžanym art. 369 KK (abraza pradstaŭnika ŭłady), i całkam zadavoliŭ patrabavańni prakurora.
Prysud: try hady abmiežavańnia voli z nakiravańniem u papraŭčuju ŭstanovu adkrytaha typu. Zadavolenyja taksama patrabavańni Komara ab kampiensacyi maralnaj škody. Žalazoŭski musić vypłacić jamu 1000 rubloŭ.
Prysud moža być abskardžany.
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam31
Kamientary