Skrynšot z kanała Biełaruś-1
Prakuratura rajona Biełastok-Poŭnač vydała ordar na aryšt sałdata 16-j Pamorskaj miechanizavanaj dyvizii Emila Čečki, jaki deziertavaŭ z vojska i ŭciok u Biełaruś. Ordar dziejničaje na terytoryi Polščy.
21 śniežnia prakuratura Biełastoka zavočna vystaviła sałdatu abvinavačvańnie pa častcy 3 artykuła 339 Kryminalnaha kodeksa Polščy — «Deziertyrstva», što praduhledžvaje da 10 hadoŭ źniavoleńnia. Akramia taho, akruhovaja prakuratura Varšavy praviaraje dziejańni Čečki na ździajśnieńnie «złačynstva suprać Respubliki Polšča» pavodle častki 1 artykuła 127, što moža pahražać pažyćciovym pazbaŭleńniem voli.
Jak skazaŭ pradstaŭnik prakuratury rajona Biełastok-Poŭnač pałkoŭnik Radasłaŭ Višanka, ordar aznačaje toje, što padazravanaha ciapier moža zatrymać na terytoryi Polščy lubaja siłavaja struktura i pieradać pad śledčy aryšt, adnak rasśledavańnia jašče na papiarednim etapie, tamu pakul nie viadziecca havorki pra ekstradycyju Čečki ź Biełarusi.