Staršynia Kanstytucyjnaha suda Rasii dapuściŭ viartańnie śmiarotnaha pakarańnia
Staršynia Kanstytucyjnaha suda Valeryj Zorkin nie vyklučyŭ mahčymaści źniaćcia maratoryju na śmiarotnaje pakarańnie. Pra heta havorycca ŭ jaho knizie «Kanstytucyjnaje pravasudździe: pracedura i sens», apublikavanaj na sajcie suda.
«Taja akaličnaść, što Kanstytucyjny sud pryniaŭ rašeńnie, jakoje robić niemahčymym prymianieńnie śmiarotnaha pakarańnia ŭ Rasii na dadzienym histaryčnym etapie jaje raźvićcia, nie vyklučaje mahčymaści viartańnia da hetaj miery pakarańnia ŭ budučyni», — ličyć Zorkin.
Pytańnie ab prymianieńni vyšejšaj miery pakarańnia nie moža być zakrytaje, pakul jość naŭmysnyja zabojstvy, piša Zorkin. Pavodle jaho słoŭ, mnohaje zaležyć ad ahulnaj pravavoj situacyi ŭ Rasii, ad taho, nakolki daloka kraina zmoža rušyć napierad u spravie stvareńnia «mocnaha, upeŭnienaha ŭ sabie pravaparadku». Uviedzieny ŭ krainie maratoryj na śmiarotnaje pakarańnie jon nazvaŭ «sastupkaj, adychodam ad patrabavańniaŭ pravavoha pryncypu roŭnaści».
Maratoryj na śmiarotnaje pakarańnie ŭ Rasii źjaviŭsia 1997 hodzie, kali Rasija ŭstupiła ŭ Radu Jeŭropy i padpisała pratakoł da Kanviencyi ab abaronie pravoŭ čałavieka ab admienie śmiarotnych prysudaŭ u mirny čas. Pratakoł nie byŭ ratyfikavany, ale z hetaha momantu śmiarotnaje pakarańnie ŭ Rasii zabaroniena ŭžyvać zhodna ź Vienskaj kanviencyjaj. De-fakta śmiarotnaje pakarańnie ŭ krainie nie ŭžyvajecca z 1996 hoda, pry hetym u Kryminalnym kodeksie takoje paniaćcie jość.
U Biełarusi ž prymianiajecca śmiarotnaje pakarańnie.
Ciapier čytajuć
Siarhiej i Śviatłana Cichanoŭskija sustrelisia ź biełarusami ŭ Vilni1
Kamientary