budzie kaštavać baćkam poŭnaja ekipiroŭka pieršakłaśnika ŭ Minsku. Dla staršakłaśnikaŭ — ad 518 da 995 tys. rubloŭ.
Poŭnaja ekipiroŭka pieršakłaśnika ŭ Minsku budzie kaštavać baćkam ad 350 da 675 tys. rubloŭ.
Pra heta BiełaPAN paviedamili ŭ pres‑słužbie Minharvykankama. Košt naboru školna‑piśmovych pryładaŭ dla pieršakłaśnika składaje ad 98 da 280 tys. rubloŭ.
Dla dziaciej małodšych kłasaŭ ekipiroŭka da škoły kaštuje ad 417 da 740 tys. rubloŭ, dla staršakłaśnikaŭ — ad 518 da 995 tys. rubloŭ.
Z 15 lipienia pa 10 vieraśnia pašyrany prodaž adzieńnia, abutku, vučnioŭskaj hałantarei, kancylarskich i papiarova‑čystavych tavaraŭ ažyćciaŭlajuć 43 kramy horada. Akramia taho, u 360 arhanizacyjach handlu charčovaj i niecharčovaj sietki arhanizavany prodaž asobnych vidaŭ kancylarskich i papiarova‑čystavych tavaraŭ dla školnikaŭ. Pracujuć pastajanna dziejnyja školnyja kirmašy pry HUMie, CUMie, univiermahu «Biełaruś», HD «Na Niamizie». U mnohich handlovych pradpryjemstvach arhanizavany drobnaroźničny handal asobnymi vidami tavaraŭ dla školnikaŭ, vydzielena dadatkova 60 handlovych miescaŭ unutry kramaŭ, aformlena bolš za 50 kutkoŭ dla pieršakłaśnikaŭ.
Handlovymi arhanizacyjami zapłanavana praviadzieńnie zabaŭlalnych i rekłamnych mierapryjemstvaŭ, u tym liku 110 vystaŭ‑kirmašoŭ i pašyranaha prodažu, 21 demanstracyja madelaŭ adzieńnia, abutku, školnaj hałantarei z udziełam pradpryjemstvaŭ‑vytvorcaŭ i ŭručeńniem pryzoŭ i padarunkaŭ.
U kancy žniŭnia adbudziecca ahulnaharadski kirmaš «Dobry dzień, škoła!», u jakim voźmuć udzieł pradpryjemstvy niecharčovaj i charčovaj handlovaj sietki.
Z 22 pa 30 žniŭnia ŭ paviljonie «Biełekspa» (vuł. Ja.Kupały, 27) buduć pracavać III Mižnarodnaja vystava‑kirmaš «Našym dzieciam» i Ch Śpiecyjalizavanaja vystava‑kirmaš «Dobry dzień, škoła!», u jakich voźmuć udzieł pramysłovyja pradpryjemstvy respublikanskich kancernaŭ i ministerstvaŭ, handlovyja arhanizacyi roznych form ułasnaści.
Niekatorymi minskimi arhanizacyjami handlu praduhledžana sistema skidak na tavary, a taksama mahčymaść nabyćcia tavaraŭ školnaha asartymientu ŭ kredyt i rasterminoŭku.
Pavodle źviestak śpiecyjalistaŭ kamiteta pa adukacyi Minharvykankama, u novym navučalnym hodzie ŭ siarednich škołach horada buduć vučycca prykładna 168 tys. vučniaŭ, ź ich bolš jak 11 tys. pieršakłaśnikaŭ.
Ciapier čytajuć
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni4
Kamientary