Na raniejšym uzroŭni taryfy pakinuli da 1 lipienia. Na takija miery ŭłady pajšli z-za pratestaŭ. Raniej jany ŭstalavali hraničnyja ceny na paliva, z padaražeńnia jakoha i ŭspychnuli pratesty, jakija pieraraśli ŭ pahromy i sutyčki.
Ministerstva nacyjanalnaj ekanomiki Kazachstana zamaroziła taryfy na kamunalnyja pasłuhi da leta 2022 hoda, piša RBK.
«Taryfy na kamunalnyja pasłuhi nie buduć pavyšacca da 1 lipienia 2022 hoda», - havorycca ŭ paviedamleńni viedamstva.
Havorka ab cenach na vodazabieśpiačeńnie, aciapleńnie, hazazabieśpiačeńnie i elektryčnaść.
Raniej nakłaści maratoryj na rost taryfaŭ na pasłuhi ŽKH na 180 dzion prapanavaŭ prezident Kasym-Žamart Takajeŭ z-za biesparadkaŭ u krainie. Jon taksama daručyŭ uvieści dziaržaŭnaje rehulavańnie cenaŭ na sacyjalna značnyja pradukty, u tym liku muku, chleb, makaronnyja vyraby, sol, jajki, hrečku, rys, cukar, słaniečnikavy i śmietankovaje masła, jałavičynu i kurycu, małako, bulbu.
Akramia taho, ułady ŭstalavali hraničnyja ceny na bienzin, dyzielnaje paliva i aŭtamabilny haz. Mienavita z-za padaražeńnia ŭ dva razy paliva ŭ krainie pačalisia pratesty, jakija paśla pieraraśli ŭ biesparadki.
Kamientary