U Ženievie prajšli pieramovy pamiž Rasijaj i ZŠA pa pytańniach biaśpieki
Jany pakul što viaducca nie na samym vysokim uzroŭni i padčas hetaj sustrečy baki ni pra što kankretnaje nie damovilisia. Ale źbirajucca havaryć dalej. Meduza.io zrabiła karotkuju padborku taho, što havaryli kiraŭniki delehacyj paśla ich zakančeńnia.
Pradstaŭnica ZŠA Uendzi Šerman i pradstaŭnik Rasii Siarhiej Rabkoŭ pazirujuć pierad pačatkam pieramoŭ. Fota: Getty Images
Namieśnik kiraŭnika MZS Rasii Siarhiej Rabkoŭ:
«Pieramovy byli składanymi, hłybokimi i kankretnymi. NATO pavinna admovicca ad asvajeńnia terytoryj krain, jakija ŭvajšli ŭ aljans paśla 1997 hoda. Nijakich namieraŭ napaści na Ukrainu ŭ Rasii niama i być nie moža. Nam patrebnyja žalezabietonnyja harantyi, što Ukraina i Hruzija nikoli nie ŭvojduć u NATO. My zaklikajem ZŠA da maksimalnaj adkaznaści. Zapałochvać Rasiju nie treba, vyniku heta nie daść. Situacyja vakoł pieramovaŭ nie bieznadziejnaja. My praviadziem pieramovy z NATO i ABSIE ŭ Brusieli, paśla ich mohuć być pryniatyja kankretnyja rašeńni».
Namieśnik kiraŭnika Dziarždepartamienta Uendzi Šerman:
«Prahres u pieramovach z Rasijaj mahčymy. Jadziernuju vajnu nielha vyjhrać, my zhodnyja, što jana nie pavinna być raźviazanaja. ZŠA nie dazvolać nikomu vyrašać, ci pavinna jakaja-niebudź kraina uvajści ŭ NATO ci nie. Pytańnie pryniaćcia Ukrainy ŭ aljans biez udziełu Kijeva abmiarkoŭvacca nie budzie. Kali Rasija ŭvarviecca va Ukrainu, jaje čakajuć sankcyi suprać klučavych finansavych instytutaŭ. ZŠA i Rasija pakul nie hatovyja da abmierkavańnia kankretnych damoŭlenaściaŭ, pakul my prosta sprabujem adzin adnaho zrazumieć».
Pieramovy praciahvalisia 8 hadzin.
Bajden: Złučanyja Štaty buduć rašuča reahavać, kali Rasija praciahnie ŭvarvańnie va Ukrainu
Bajden i Pucin praviali 50-chvilinnuju razmovu
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary