Яны пакуль што вядуцца не на самым высокім узроўні і падчас гэтай сустрэчы бакі ні пра што канкрэтнае не дамовіліся. Але збіраюцца гаварыць далей. Meduza.io зрабіла кароткую падборку таго, што гаварылі кіраўнікі дэлегацый пасля іх заканчэння.
Прадстаўніца ЗША Уэндзі Шэрман і прадстаўнік Расіі Сяргей Рабкоў пазіруюць перад пачаткам перамоў. Фота: Getty Images
Намеснік кіраўніка МЗС Расіі Сяргей Рабкоў:
«Перамовы былі складанымі, глыбокімі і канкрэтнымі. НАТО павінна адмовіцца ад асваення тэрыторый краін, якія ўвайшлі ў альянс пасля 1997 года. Ніякіх намераў напасці на Украіну ў Расіі няма і быць не можа. Нам патрэбныя жалезабетонныя гарантыі, што Украіна і Грузія ніколі не ўвойдуць у НАТО. Мы заклікаем ЗША да максімальнай адказнасці. Запалохваць Расію не трэба, выніку гэта не дасць. Сітуацыя вакол перамоваў не безнадзейная. Мы правядзем перамовы з НАТО і АБСЕ ў Бруселі, пасля іх могуць быць прынятыя канкрэтныя рашэнні».
Намеснік кіраўніка Дзярждэпартамента Уэндзі Шэрман:
«Прагрэс у перамовах з Расіяй магчымы. Ядзерную вайну нельга выйграць, мы згодныя, што яна не павінна быць развязаная. ЗША не дазволяць нікому вырашаць, ці павінна якая-небудзь краіна увайсці ў НАТО ці не. Пытанне прыняцця Украіны ў альянс без удзелу Кіева абмяркоўвацца не будзе. Калі Расія ўварвецца ва Украіну, яе чакаюць санкцыі супраць ключавых фінансавых інстытутаў. ЗША і Расія пакуль не гатовыя да абмеркавання канкрэтных дамоўленасцяў, пакуль мы проста спрабуем адзін аднаго зразумець».
Перамовы працягваліся 8 гадзін.
Байдэн: Злучаныя Штаты будуць рашуча рэагаваць, калі Расія працягне ўварванне ва Украіну
Байдэн і Пуцін правялі 50-хвілінную размову
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1
Каментары