U Šviecyi dron dapamoh vyratavać čałavieka, u jakoha spyniłasia serca
U 71-hadovaha mužčyny ŭ šviedskim horadzie Trolchietan spyniłasia serca, kali jon prybiraŭ śnieh la doma. Lekar, jaki vypadkova apynuŭsia pobač ź miescam zdareńnia, reanimavaŭ jaho z dapamohaj drona, jaki dastaviŭ defibrylatar za try chviliny. Pra heta paviedamlaje The Verge. Novy miedycynski aparat stvorany kampanijaj sa Šviecyi Everdrone.
«Ja jechaŭ na pracu ŭ miascovuju balnicu, kali vyhlanuŭ z akna mašyny i ŭbačyŭ čałavieka, jaki straciŭ prytomnaść na darožcy pobač z domam. Ja adrazu zrazumieŭ, što niešta nie tak, i kinuŭsia na dapamohu. U mužčyny nie było pulsu, tamu ja pačaŭ rabić sardečna-lohačnuju reanimacyju, paprasiŭšy inšaha minaka patelefanavać pa numary 112. Litaralna praź niekalki chvilin ja ŭbačyŭ, jak niešta lacić nad majoj hałavoj. Heta byŭ dron-robat z defibrylataram!» — raspavioŭ doktar Ali Mufasa, jaki vyratavaŭ pažyłoha čałavieka.
Padčas čatyrochmiesiačnaha daśledavańnia słužba ekstranaj pavietranaj dastaŭki atrymała ad dyśpietčaraŭ chutkaj dapamohi 14 paviedamleńniaŭ ab sardečnych prystupach, dla jakich padychodziła vykarystańnie dronaŭ. Drony ŭźlacieli ŭ 12 z hetych vypadkaŭ, 11 sprobaŭ zakončylisia paśpiachova. Siem razoŭ defibrylatary byli dastaŭleny da pryjezdu chutkaj dapamohi.
Čałavieku, u jakoha zdaryŭsia sardečny prystup, nieabchodnaja dapamoha na praciahu dziesiaci chvilin, tady jość šancy jaho vyratavać. U Jeŭropie zdarajecca kala 275 000 vypadkaŭ spynieńnia serca štohod, pryčym prykładna 70% vypadkaŭ prypadaje na pryvatnyja damy, dzie niama defibrylatara. Vyžyvalnaść składaje ŭsiaho kala 10%.
U ciapierašni čas servis pakryvaje 200 000 žycharoŭ Šviecyi. Kampanija zajaviła, što ŭ hetym hodzie płanuje pašyryć svaju dziejnaść u Jeŭropie.
Italjanski student zapatentavaŭ maski, jakija mianiajuć koler, kali ich bolš nielha nasić
U armii ZŠA źjaviŭsia robat. Pakul što jon pracuje na kuchni
U kosmas zapuścili ŭnikalny kaśmičny teleskop, jaki kaštavaŭ 10 miljardaŭ dalaraŭ
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary