10 studzienia byŭ apošni dzień pracy načalnicy ŭpraŭleńnia pa achovie historyka-kulturnych kaštoŭnaściaŭ Natalli Chvir, namieśnicy načalnika adździeła ŭzhadnieńnia i restaŭracyi Śviatłany Krajuškinaj, paviedamlaje telehram-kanał «Spadčyna».
Aŭtary paviedamleńnia adznačajuć:
«Pryčyna ŭsim zrazumiełaja. Abiedźvie ščyra pieražyvali za svaju spravu i nie davali roznym nierazumnym ludziam rabić dzič na pomnikach, za što na ich nieadnojčy skardzilisia vyšej. Praŭda, pry ŭsioj kadravaj ciakučaści viarchuški Ministerstva kultury nikomu ŭ hałavu nie prychodziła zvalniać takich kaštoŭnych śpiecyjalistaŭ, tym bolš, što štat i tak nievialiki. Ciapier jany stali lišnimi.
Bolšaść pazityŭnych navin na našym kanale źviazana ź nieabyjakavaściu supracoŭnikaŭ upraŭleńnia achovy pomnikaŭ. Ci budzie ciapier kamu zmahacca za carkvu ŭ Novym Śvieržani, Stary zamak u Horadni i inšyja, vyciahvać abjekty sa śpisaŭ na znos i prasoŭvać ich u śpis achoŭny, prymušać vykankamy da vykanańnia svaich abaviazkaŭ i pryciahvać da adkaznaści parušalnikaŭ?»
Ale hetyja zvalnieńni — nie adzinyja. Natalla Zadziarkoŭskaja, adkaznaja za pytanni kultury i nacyjanalnaj spadčyny ŭ Nacyjanalnym antykryzisnym kiravańni, kamientujučy situacyju Fondu kulturnaj salidarnaści, adznačyła, što «tolki za minuły hod z aparatu Ministerstva kultury zvolniena praktyčna pałova składu kiraŭnikoŭ siaredniaha źviana. Kab stać niepažadanym dla siońniašniaha kiraŭnictva, dastatkova prosta mieć ułasnaje mierkavańnie i prafiesijnyja pryncypy».
Stała viadoma, za što zvolnili dyrektarku Muzieja Janki Kupały Alenu Laškovič
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary