Mahiloŭca aburyła, što miascovaja presa nazyvała jaho złačyncam da suda. I sam pajšoŭ u sud šukać praŭdy
Davoli niezvyčajnuju spravu ab abaronie honaru i hodnaści naprykancy minułaha hoda razhledzieŭ sud Leninskaha rajona Mahilova.
U lutym-sakaviku 2017 hoda adrazu vosiem rajonnych haziet apublikavali aryjenciroŭki na čałavieka, suprać jakoha była zaviedzienaja kryminalnaja sprava. Infarmacyju dla aryjenciroŭki daŭ Leninski RAUS Mahilova, i ŭ joj pisałasia: «Leninskim RAUS Mahilova za ŭčynieńnie ciažkaha złačynstva adšukvajecca złačynca, jaki schavaŭsia…». Ale sudom hety čałaviek asudžany nie byŭ, prezumpcyi ž nievinavataści nichto nie admianiaŭ.
Tamu mužčyna padaŭ pazoŭ u sud na redakcyi miascovych haziet i Leninski RAUS Mahilova, patrabujučy, kab jany abvierhli raniej apublikavanyja źviestki.
Spravu sud razhladaŭ u listapadzie 2021-ha. Sam pazoŭnik na pracesie nie prysutničaŭ, bo znachodzicca pa-za miežami Biełarusi z 2016 hoda. Jahonyja intaresy pradstaŭlaŭ advakat.
Pazoŭnik ličyŭ, što abvinavaŭčy prysud pa jaho spravie nie vynosiŭsia, tamu vina nie dakazanaja. A značyć, śćviardžać, što jon «złačynca, jaki schavaŭsia», niepravamierna i niezakonna. Tamu adkazčyki musiać abvierhnuć źviestki, jakija źnievažajuć jahony honar i hodnaść, apublikavaŭšy ŭ tych ža vydańniach adpaviednyja materyjały.
Pradstaŭnik adkazčyka rastłumačyŭ jaho pazicyju. Maŭlaŭ, na čas vydańnia hetaj aryjenciroŭki ŭ dačynieńni da pazoŭnika była ŭzbudžanaja kryminalnaja sprava pa častcy 3 artykuła 209 KK (machlarstva, ździejśnienaje ŭ bujnym pamiery). 23 studzienia 2017 hoda vyniesiena pastanova ab zatrymańni padazravanaha. Ale pakolki znajści jaho nie ŭdałosia, to mužčynu abviaścili ŭ vyšuk, tym bolš što 1 lutaha ŭ dačynieńni da jaho vynieśli pastanovu ab užyvańni miery strymańnia ŭ vyhladzie zaklučeńnia pad vartu.
Sa słoŭ pradstaŭnika adkazčyka, u 2017-m aryjenciroŭku na mužčynu raźmiaścili nie dla taho, kab kahości zhańbavać, a kab znajści čałavieka. Da taho ž aznačeńnia termina «złačynca, jaki šukajecca za ździajśnieńnie ciažkoha złačynstva i schavaŭsia», u kodeksach niama, i tamu tak možna nibyta nazyvać i asob, jakija abvinavačvajucca ŭ ździajśnieńni złačynstva. A pra fakt asudžanaści ci nie asudžanaści prysudam suda ŭ abjavach ničoha nie kazałasia.
Vysłuchaŭšy baki, sud admoviŭ pazoŭniku ŭ prośbie ab asprečańni. Mužčyna padavaŭ apielacyju ŭ Mahiloŭski abłasny sud, ale stanoŭčaha dla jaho vyniku heta nie dało.
U 2017-m mužčynu šukali pa linii Interpoła i vyznačyli, dzie jon znachodzicca. Hienprakuratura prasiła vydać jaho, ale padčas razhladu vyšejpierakazanaj spravy hetaha jaščie nie adbyłosia. Praŭda, u lipieni 2021-ha mahiloŭca zatrymali za miažoj, ale adpuścili pad abaviazak jaŭki ŭ vypadku nieabchodnaści.
Kamientary