Ułada

Labiedźka raskazaŭ, jak upieršyniu z 2020 hoda na adnoj placoŭcy syšlisia pradstaŭniki ŭłady i apazicyi

Na siesii Parłamienckaj asamblei Rady Jeŭropy adbylisia słuchańni, pryśviečanyja pytańniam kanstytucyjnaj reformy i referendumu ŭ Biełarusi. Na hetym mierapryjemstvie faktyčna ŭpieršyniu sa žniŭnia 2020 hoda na adnoj placoŭcy syšlisia pradstaŭniki ŭłady i apazicyi. 

Alaksandr Šłyk i Anatol Labiedźka. Skryn videa

Jak heta było, u kamientary «Salidarnaści» raskazaŭ pradstaŭnik Śviatłany Cichanoŭskaj pa kanstytucyjnaj reformie i parłamienckim supracoŭnictvie Anatol Labiedźka:

«Inicyjavała razhlad biełaruskaj temy Kamisija pa palityčnych pytańniach PARIE. Prapanova ŭziać udzieł pastupiła i aficyjnym uładam Biełarusi, i demakratyčnym siłam. Biełaruskija ŭłady pradstaŭlaŭ staršynia kamisii pa mižnarodnych spravach Nacyjanalnaha schodu Andrej Savinych, a ad demakratyčnych sił vystupali my z Alaksandram Šłykam, pradstaŭnikom Śviatłany Cichanoŭskaj pa vybarach.

Treba adznačyć, što paśla padziej 2020 hoda heta było pieršaje mierapryjemstva, u jakim udzielničali pradstaŭniki režymu i demakratyčnaj apazicyi.

Toje, što pradstaŭniki režymu pryjechali, u niejkaj stupieni kaža ab tym, što režym hublaje mižnarodnuju prastoru. U mižnarodnych arhanizacyjach jaho pazicyi vielmi słabyja. Ale i z takim pasłańniem, jakoje jany ŭkłali ŭ vusny Savinych, zavajavać simpatyi niemahčyma.

Pačaŭ jon z dosyć ahresiŭnaj zajavy ab tym, što my z Alaksandram nie možam pradstaŭlać palityčnuju apazicyju! Ale heta nie funkcyi Savinych — vyznačać, chto maje prava nazyvacca apazicyjaj u dačynieńni da ŭłady.

Bolš za toje, jon skazaŭ, što my — zamiežnyja ahienty, tamu što pradstaŭlajem niejkija mižnarodnyja centry. 

Jon admoviŭsia sadzicca za vialiki kruhły stoł, za jakim siadzieli ŭ tym liku i my, dystancyjavaŭsia ad nas, sieŭ prosta ŭ zale.

Pra svaju Kanstytucyju jon kazaŭ fantastyčnyja rečy: i pra dziasiatki tysiač prapanoŭ, i pra natchnionaje abmierkavańnie ŭsioj krainaj. 

Na ŭsie niazručnyja pytańni Savinych nie reahavaŭ i nie davaŭ nijakaha adkazu. A pytańniaŭ było šmat, tamu što paśla dakładaŭ my, viadoma, vyjšli za temy Kanstytucyi i refierendumu.

Savinych nie padtrymaŭ nichto, aprača rasijskaha deputata Słuckaha. Navat deputat z Azierbajdžana vystupiŭ vielmi niejtralna, jon tolki adznačyŭ važnaść samoha dyjałohu. Nas vystupleńniami padtrymlivali deputaty ź Litvy, Ukrainy, Bielhii.

Padčas pasiadžeńnia. Skryn videa

Nam lohka vystupać na takich mierapryjemstvach, tamu što my havorym praŭdu i ŭsio možam paćvierdzić faktami. Im ža davodzicca iści ŭ razrez z realnaściu, treba kazać, što ŭ nas niama palitviaźniaŭ, što ŭ nas usie ludzi ščaślivyja i zadavolenyja. Što ŭ nas prajšło lepšaje abmierkavańnie prajekta Kanstytucyi. Ale navat jany sami razumiejuć, što heta padman i jaho lohka pravieryć.

Paśla takich pasiadžeńniaŭ zvyčajna sapraŭdy praciahvajecca niefarmalnyja znosiny, praciahvajucca abmierkavańni, sustrečy. I my z Alaksandram Šłykom šmat z kim jašče havaryli.

A voś Savinych adrazu paśla pasiadžeńnia vyparyŭsia. Pakolki ŭsie rasiejcy ŭdzielničali anłajn, bolš jamu mieć znosiny nie było z kim.

I tak zaraz adbyvajecca na ŭsich mižnarodnych placoŭkach, što taksama pakazalna».

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła25

«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła

Usie naviny →
Usie naviny

Asudžany na śmierć u Biełarusi Ryka Kryhier: Tak, ja pieramiaściŭ toj zaplečnik, ale nie viedaŭ, što tam vybuchoŭka2

Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»31

«Vylecieła z Łondana ŭ treciuju krainu». Što viadoma pra źniknieńnie Mielnikavaj praź miesiac pošukaŭ

Špakoŭski: Amnistyja-2025 da palitviaźniaŭ prymianiacca nie budzie7

U padmaskoŭnaj Bałašysie ŭzarvali hienierała Maskalika11

Pamiatajecie žurnalistku Hałuzu, jakaja źliła asabistuju pierapisku Stryžaka? Jana ŭstupiła ŭ «Narodnuju hramadu»22

Ciahnik źbiŭ dziaŭčynu na vakzale ŭ Oršy. Jana cudam zastałasia žyvoj3

Zaŭtra radykalna pachaładaje: zamarazki, mokry śnieh i +8°C..+10°S

Kličko: Ukrainie, mahčyma, daviadziecca addać terytoryi dziela miru6

bolš čytanych navin
bolš łajkanych navin

«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła25

«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła

Hałoŭnaje
Usie naviny →

Zaŭvaha:

 

 

 

 

Zakryć Paviedamić