Biełarusam mohuć dazvolić padavać u sud za parušeńnie Kanstytucyi. Ale ci dapamoža heta?
U prajekcie novaj Kanstytucyi zamacavanyja źmieny ŭ pracy sudoŭ. Tak, biełarusam mohuć dazvolić źviartacca ŭ Kanstytucyjny sud, kali jany paličać, što parušanyja ich pravy, a na bolš nizkich uzroŭniach im admovili ŭ abaronie. Ale jość pytańni, ci buduć efiektyŭnymi hetaje i inšyja novaŭviadzieńni.
Tak, prava abirać staršyniaŭ Viarchoŭnaha i Kanstytucyjnaha sudoŭ chočuć pieradać Usiebiełaruskamu narodnamu schodu, raniej ich prosta pryznačaŭ Łukašenka. Aficyjna śćviardžajecca, što heta jašče bolš uzmacnić davier biełarusaŭ da sudovaj ułady, jakaja stanie jašče bolš niezaležnaj i biesstarońniaj. Na praktycy ŭ prezidyum UNS, niama sumnievaŭ, buduć uvachodzić najbližejšyja prychilniki Łukašenki, a jon sam, jak prapisana ŭ prajekcie novaj Kanstytucyi, moža ŭvachodzić u kiraŭnictva schoda. Tak što naŭrad ci varta čakać istotnych źmienaŭ.
Apublikavali prajekt źmien u Kanstytucyju Biełarusi. Što tam novaha?
Kiraŭnikom Viarchoŭnaha suda ŭžo bolš za 25 hod źjaŭlajecca Valancin Sukała, bieź pierabolšvańnia možna skazać, što jon sapraŭdny aksakał režymu Łukašenki. Kanstytucyjny sud 14 hod uznačalvaje Piotr Mikłaševič, jaki da taho byŭ hienprakuroram, u 2008-m jaho pamianiali miescami z byłym staršyniom Kanstytucyjnaha suda Ryhoram Vasilevičam. Ale Mikłaševič daŭžej zatrymaŭsia va ŭładzie.
U Kanstytucyjnaha suda paśla refierenduma moža dadacca pracy. Pa-pieršaje, sudy zmohuć nakiroŭvać u KS zapyty, kali ŭźniknuć sumnievy, ci adpaviadaje Kanstytucyi peŭny zakon. Pa-druhoje, hramadzianie, jakija prajšli ŭsie sudovyja ŭstanovy, ale ličać, što ich kanstytucyjnyja pravy parušanyja, zmohuć źviarnucca ŭ Kanstytucyjny sud.
Jość pytańnie, nakolki novaŭviadzieńni buduć efiektyŭnyja. Pačynajučy z 1997 hoda, KS pahadžajecca z usimi zakonami, spuščanymi źvierchu — ci to heta kabalnaja kantraktnaja sistema, ci to zakony, nakiravanyja na padaŭleńnie palityčnaj aktyŭnaści. Aproč taho, Kanstytucyjny sud pryjšoŭ da vysnovy, što zachodnija sankcyi źjaŭlajucca niezakonnymi. Ciapier na hetaje rašeńnie spasyłajecca Łukašenka i abiacaje, što vinavatyja za heta adkažuć.
Čytajcie taksama:
Kanstytucyjny sud pryznaŭ, što sankcyi stvarajuć «peŭnyja składanaści» dla ekanomiki i hramadzian, i nazvaŭ ich pieraśledam ludziej za palityčnuju pazicyju
«Jak u Amierycy nam nie treba». Što kažuć padčas «usienarodnaha» abmierkavańnia Kanstytucyi ŭ rehijonach
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary