Ukrainski fihuryst na pres-kanfierencyi adkazaŭ rasijskim žurnalistam pa-anhlijsku. Dla ich heta było niečakana
20-hadovy ŭkrainski fihuryst Ivan Šmuratka paśla treniroŭki na zimovych Alimpijskich hulniach-2022 u Piekinie pryniaŭ udzieł u pres-kanfierencyi. Padčas jaje Šmuratka nie ihnaravaŭ i pradstaŭnikoŭ rasijskich ŚMI, adnak na ich pytańni, zadadzienyja pa-rusku, adkazvaŭ pa-anhlijsku, piša UNIAN.
U pryvatnaści, karespandent kanała «Matč TV» spytaŭ pa-rusku ŭ fihurysta pra rekamiendacyi Ministerstva sportu i moładzi Ukrainy. Ich ukrainskim spartsmienam, jakija vystupiać na zimovaj Alimpijadzie-2022 u Piekinie, daŭ sam ministr moładzi i sportu Ukrainy Vadzim Hutcajt. Pradstaŭnikam zbornaj Ukrainy zabaranili publična razmaŭlać z rasijanami i znachodzicca pobač ź dziaržaŭnaj simvolikaj Rasii padčas spabornictvaŭ.
Ivan Šmuratka na ruskamoŭnaje pytańnie adkazaŭ pa-anhlijsku, adznačyŭšy:
«Čamu ja razmaŭlaju pa-anhlijsku? Jak vy viedajecie, ja rablu ŭsio, kab być tut. Ja spartoviec, i ŭsia maja praca — na lodzie».
Pytańnie movy znosin ukrainskich spartsmienaŭ padčas intervju było rubam pastaŭlena padčas Jeŭra-2020 pa futbole. Ukrainskija zaŭziatary vykazali tady svajo abureńnie tym, što pradstaŭniki ŭkrainskaj zbornaj davali kamientary na ruskaj movie. Paśla hetaha mnohija ź ich u znosinach z presaj pierajšli na ŭkrainskuju movu.
Kamientary