Украінскі фігурыст на прэс-канферэнцыі адказаў расійскім журналістам па-англійску. Для іх гэта было нечакана
20-гадовы ўкраінскі фігурыст Іван Шмуратка пасля трэніроўкі на зімовых Алімпійскіх гульнях-2022 у Пекіне прыняў удзел у прэс-канферэнцыі. Падчас яе Шмуратка не ігнараваў і прадстаўнікоў расійскіх СМІ, аднак на іх пытанні, зададзеныя па-руску, адказваў па-англійску, піша УНІАН.
У прыватнасці, карэспандэнт канала «Матч ТВ» спытаў па-руску ў фігурыста пра рэкамендацыі Міністэрства спорту і моладзі Украіны. Іх украінскім спартсменам, якія выступяць на зімовай Алімпіядзе-2022 у Пекіне, даў сам міністр моладзі і спорту Украіны Вадзім Гутцайт. Прадстаўнікам зборнай Украіны забаранілі публічна размаўляць з расіянамі і знаходзіцца побач з дзяржаўнай сімволікай Расіі падчас спаборніцтваў.
Іван Шмуратка на рускамоўнае пытанне адказаў па-англійску, адзначыўшы:
«Чаму я размаўляю па-англійску? Як вы ведаеце, я раблю ўсё, каб быць тут. Я спартовец, і ўся мая праца — на лёдзе».
Пытанне мовы зносін украінскіх спартсменаў падчас інтэрв'ю было рубам пастаўлена падчас Еўра-2020 па футболе. Украінскія заўзятары выказалі тады сваё абурэнне тым, што прадстаўнікі ўкраінскай зборнай давалі каментары на рускай мове. Пасля гэтага многія з іх у зносінах з прэсай перайшлі на ўкраінскую мову.
Хто з палітвязняў выйшаў на свабоду 16 верасня ПОЎНЫ СПІС23
Каментары