Salist rok-hurta «Aeraśmit», Styŭ Tajler, zdajecca, zvažaje adno na ŭzdymy i spady svajoj karjery, a što pad ułasnymi nahami jaho, vydaje na toje, zusim nie rupić. Nadoječy 61-hadovy Tajler pavaliŭsia sa sceny prosta padčas vystupu ŭ Paŭdniovaj Dakocie. Horkaja ironija losu — jon braznuŭsia dołu, vykonvajučy pieśniu Love in an Elevator/«Luboščy ŭ lifcie». Paśla padzieńnia Tajlera imhnienna adymčali viertalotam u blizki špital.
Apošnim časam šmatlikija prablemy sa zdaroŭjem napatkali hurt. Jašče daŭniej byli admienienyja kolki vystupaŭ praz chvoruju nahu Tajlera i apieracyju na horle, jakuju lekary mieli zrabić basistu Tomu Hamiltanu.
U hetyja dni «Aeraśmit» znachodzicca ŭ turne, što maje nazvu «Hitarnyja hieroi» (u honar kampjutarnaj hulni, ź jakoj supracoŭničaje hurt). U turne, jakoje miełasia praciahnucca da siaredziny vieraśnia, «Aeraśmit» pajechała ź inšymi dziadami rok-sceny, lehiendarnymi ZZ-Top.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary