Саліст рок-гурта «Аэрасміт», Стыў Тайлер, здаецца, зважае адно на ўздымы і спады сваёй кар'еры, а што пад уласнымі нагамі яго, выдае на тое, зусім не рупіць. Надоечы 61-гадовы Тайлер паваліўся са сцэны проста падчас выступу ў Паўднёвай Дакоце. Горкая іронія лёсу — ён бразнуўся долу, выконваючы песню Love in an Elevator/«Любошчы ў ліфце». Пасля падзення Тайлера імгненна адымчалі верталётам у блізкі шпіталь.
Апошнім часам шматлікія праблемы са здароўем напаткалі гурт. Яшчэ даўней былі адмененыя колькі выступаў праз хворую нагу Тайлера і аперацыю на горле, якую лекары мелі зрабіць басісту Тому Гамільтану.
У гэтыя дні «Аэрасміт» знаходзіцца ў турнэ, што мае назву «Гітарныя героі» (у гонар камп'ютарнай гульні, з якой супрацоўнічае гурт). У турнэ, якое мелася працягнуцца да сярэдзіны верасня, «Аэрасміт» паехала з іншымі дзядамі рок-сцэны, легендарнымі ZZ-Top.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было6
Каментары