Estonija ŭvodzić dadatkovyja sankcyi suprać tranzitu biełaruskaj nafty
Ułady Estonii pryniali rašeńnie ŭvieści dadatkovyja sankcyi suprać aficyjnaha Minska. Pra heta paviedamiła premjer-ministr Kaja Kałas padčas pres-kanfierencyi 3 lutaha.
Sankcyi zakranuć hruzy pad kodam tavarnaj namienkłatury źniešnieekanamičnaj dziejnaści 2707: «aliva i inšyja pradukty vysokatempieraturnaj pierahonki kamiennavuhalnaj smały; anałahičnyja pradukty, u jakich masa aramatyčnych sastaŭnych častak pieravyšaje masu niearamatyčnych».
«My vyrašyli ŭvieści dadatkovyja sankcyi z boku Estonii, jakija pastaviać pad sankcyi tavar pad kodam 2707», — skazała Kaja Kałas.
Eesti Päevaleht 31 studzienia vypuściŭ artykuł ab tym, što ŭ minułym hodzie Estonija impartavała biełaruskich naftapraduktaŭ amal u try razy bolš, čym hodam raniej. Pry hetym u Estoniju była pieranakiravanaja tracina biełaruskaj nafty, jakaja raniej pastupała ŭ łatvijskija porty.
Za dziesiać miesiacaŭ minułaha hoda praduktaŭ pad kodam TN ZED 2707 Estonija kupiła ŭ Biełarusi na 410 młn jeŭra. Na ich dolu pryjšłosia 78% usiaho biełaruskaha ekspartu ŭ hetuju krainu. Cikava, što ŭ 2020 hodzie Estonija kupiła hetych naftapraduktaŭ u Biełarusi ŭsiaho tolki na 13,5 młn jeŭra. Heta značyć, rost pa hetaj pazicyi — u 30 razoŭ, piša Zerkalo.io.
Kamientary