Biełaruskija kłuby nie buduć udzielničać u chakiejnaj Lizie čempijonaŭ «z-za niepradkazalnaj situacyi ŭ krainie»
Biełaruskija kłuby ŭ hetym hodzie nie buduć zaprošanyja dla ŭdziełu ŭ chakiejnaj Lizie čempijonaŭ, paviedamlajecca na aficyjnym sajcie spabornictvaŭ.
Saviet Lihi, arhumientujučy svajo rašeńnie, adznačyŭ:
«U suviazi ź niepradkazalnaj situacyjaj u krainie ŭdzieł kamandy ź Biełarusi ŭ Lizie čempijonaŭ na hety momant budzie zanadta ryzykoŭnym dla ŭsich zacikaŭlenych bakoŭ. Asabliva pastajannyja zboi ŭ palotach robiać niemahčymym svoječasovaje płanavańnie».
Arhanizacyja ličyć, što:
«Dla takoha ahulnajeŭrapiejskaha spabornictva, jak Liha čempijonaŭ, abaviazkovaj umovaj źjaŭlajecca toje, kab kamandy, zaŭziatary, aficyjnyja asoby, sponsary, partniory i pastaŭščyki pasłuh mahli nadziejna padarožničać i zastavacca ŭ biaśpiecy. Na žal, u ciapierašni čas heta nie adnosicca da pajezdak u Biełaruś i nazad».
Ale pry hetym «Biełaruś zastajecca pavažanym partnioram, i dźviery dla budučaha supracoŭnictva zastajucca adčynienymi».
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary