Byłoha padpałkoŭnika milicyi ź Iŭja buduć sudzić za pieravyšeńnie ŭłady. Jamu pahražaje da 10 hadoŭ
Byłoha padpałkoŭnika milicyi Piatra Budźko, jaki ŭdzielničaŭ u 2020 hodzie ŭ pratestach, buduć sudzić za pieravyšeńnie ŭłady (č. 3 art. 426 KK). U kancy minułaha hoda jon byŭ aryštavany na 32 sutak, paviedamlaje telehram-kanał «Pozirk».
«Paśla padziej u Minsku zrazumieŭ, što ŭ krainie nie stała zakona. Nakryła kryŭda za dziaržavu. Pačaŭ vychodzić razam z haradžanami na płošču ŭ Iŭi, patrabavaŭ ad uładaŭ i deputata adnaŭleńnia zakonnaści, spynieńnia hvałtu — pryciahnieńnia vinavatych da adkaznaści», - raspavioŭ były siłavik u lutym 2021 hoda.
Što viadoma pra spravu
— Budźko adsłužyŭ u milicyi bolš za 20 hadoŭ. Zaviaršyŭ słužbu ŭ Kareličach (Hrodzienskaja vobłaść) namieśnikam načalnika RAUS.
— U śniežni 2020 hoda byŭ aryštavany na 32 dni (za ŭdzieł u niesankcyjanavanym masavym mierapryjemstvie).
— Budźko zatrymali 20 žniŭnia minułaha hoda. Doma i na leciščy ŭ jaho praviali pieratrusy, kanfiskavali techniku.
— Zaraz jamu pahražaje da 10 hadoŭ pazbaŭleńnia voli.
Kamientary